Бошқа мавзуларЎзбекистон йилқичилик ва от спорти федерациясига Абдуллаев Феруз Талъатович раис этиб сайланди. Бу ҳақда Миллий олимпия қўмитаси матбуот хизмати хабар қилади.
Маълумот учун, Феруз Абдуллаев 1976 йилда Самарқандда таваллуд топган. Тадбиркор.
Бу лавозимда Абдуллаев собиқ Бош вазир ўринбосари ҳозирда Жиззах вилояти Шароф Рашидов тумани ҳокими вазифасида ишлаётган олти кишини совуқда сувга туширган Зойир Тоирович Мирзаевнинг ўрнини эгаллади. Мирзаев 2017 йилнинг июнь ойида федерация раиси этиб сайланганди.
Эслатиб ўтамиз, Зойир Мирзаев Бош вазир ўринбосари – Вазирлар Маҳкамасининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари комплексининг раҳбари лавозимидан олтовлонни сувга тушириш ортидан 2018 йил октябрь ойида ҳайдалган эди.
