Шаҳарда итларга вовуллаш тақиқланди

Франция шимолидаги Фёкер шаҳри мери маҳаллий итларга баланд овозда вовуллашни тақиқлади. Бу ҳақда «Лига Новости»га таяниб “Дарё” нашри ёзмоқда.

Иллюстратив фото

 

Бу тақиқ шаҳар кенгаши томонидан маъқулланган бўлиб, янги қоидани бузган итларнинг эгалари 68 евро миқдорида жарима тўлашларига тўғри келади.

Фёкер мери айрим кучуклар кун давомида вовуллаб, аҳолининг тинч ҳаётига халал бергани учун шундай тақиқ қўйиш зарурлигини таъкидлаган.

Ҳайвон ҳуқуқларини ҳимоя қилувчилар бундан норозилигини билдирган. Мер эса итларга қарши ҳеч қандай адовати йўқлигини, уларнинг ҳар бир вовуллаши учун эгаларини жаримага тортмаслигини таъкидлаган. Фақатгина қўшнилар бундан шикоят қилсагина жарима белгиланишини айтган.

Ҳаммаси Фёкерда яшовчи аёлнинг уйидаги бир неча итларнинг доимий вовуллашидан норози бўлган аҳолининг шаҳар расмийларига чора кўришни сўраб петиция имзолаганидан бошланган. Мер шаҳар кенгашидаги ҳамкасблари билан бирга аёл билан бир неча марта гаплашиб олишга уринган, аммо бунинг иложи бўлмаган.

Ҳайвон ҳуқуқларини ҳимоя қилувчилар худди шундай баҳона билан черков қўнғироқларининг чалинишига тақиқ ўрнатиш мумкинлигини, итларга жағ, жумладан, вовуллаш учун ато этилганини айтиб, шаҳар расмийларини судга бермоқчи.

 

Бўлишинг:

Муҳаррир танлови

Ўзбекистонда «йўл солиғи» бекор қилинганми?

2018 йилга қадар Ўзбекистон Республикаси Вазирлар Маҳкамаси ҳузуридаги «Республика йўл жамғармасига йиғимлар ва мажбурий ажратмалар» мавжуд бўлган ва улар Ўзбекистон ...

Халқаро меҳнат ташкилоти: ўзбекистон пахта далаларида болалар меҳнатига чек қўйилди

Ўзбекистонда болалар меҳнатига чек қўйилди ва мажбурий меҳнатнинг ҳар қандай шаклларига нуқта қўйиш ниятидалар. Бунга Халқаро меҳнат ташкилоти (ХМТ) экспертлари ишонч ҳосил ...

Қўшнилар аҳиллиги тараққиёт гарови

Халқимизда «кӯрпа сотсанг қӯшнингга сот, бир четида ӯзинг ӯтирасан», «Яхши қӯшни дӯстингдан яқин», "Узоқдаги қариндошдан яқиндаги қӯшнинг яхши", деган ажойиб нақллар бор. ...