Қачонгача дарахт тагига ҳожат чиқарамиз?

Ўзбекистонда жамоат ҳожатхоналарини қуриш ҳақида анчадан бери гапирилади. Ҳа, фақат гапирилади, амалий иш қилинмади ҳозирча.

Туризмни ривожлантиришда ҳожатхоналар жуда зарур ҳисобланади, бу ҳам бир маданият, қолаверса, ўзига хос бизнес. Хорижий ватандошимиз Ўзбекистонда жамоат ҳожатхоналари қуриш бўйича лойиҳа тайёрлаганди (кимлигини айтмай қўя қолайлик). Бизникилар нима қилишди? Йўқ, раҳмат, сизнинг бу ишингизга муҳтожлигимиз йўқ, бу ҳақда ўзимиз ўйлаб қўйганмиз, деб унинг лойиҳасини ўзлаштиришди, ўзини эса мамлакатга киритишмади.

Кўп кузатганмиз, кўча-кўйда, бир четларда дарахт ёки девор тагига ҳожатини чиқараётганлар учраб туради (масалан, суратдагидек). Бу нарсани айтишдан уялмаслик керак. Экологияга зарар, соғлиққа зарар бу. Тирик жон бўлгандан кейин ҳожат чиқаришга эҳтиёж сезади-да.

Мана шу пайтда жамоат ҳожатхоналарига зарурат сезилади. Қани энди кўчада шундай жой бўлса, ҳожатингни чиқарсанг, хизмат ҳақини оринмай тўласанг. Афсуски, йўқ! Нега деган саволга мутасаддилар ҳам жавоб беришни истамайди.

Аслида бу ишни Туризм қўмитаси қилиши керак эди. Хорижий сайёҳлар Тошкент (Самарқанд, Бухоро, Хива ва ҳоказо) шаҳрини айланиб юрганда, қистаб қолса, меҳмонхонага чопадими? Ёки бирорта ошхона, клиника, шунга ўхшаш муассасагами? У ердагилар ҳам “бизнинг ҳожатхонада бемалол ҳожат чиқараверинг”, деб кутиб туришмагандир.

Ўзбекистоннинг ўзида узоқ сафарга отлансангиз, йўлда ҳожатхона тополмайсиз. Лекин сиз ҳожат чиқармоқчисиз, шу пайтда кенг далалар ёки тоғу тошлар жонингизга ора киради. Қани энди мана шу йўлларда ҳожатхоналар қурилса, нимаси ёмон? Қўшимча бизнес-ку. Нега рухсат беришмаяпти шунга?

Саволлар кўп, жавобларга келганда ҳамма мум тишлайди…

 

Манба:Zed News

Бўлишинг:

Муҳаррир танлови

«гранд» радиоси гулнора каримованинг эри рустам мадумаровга тегишли эканлигини рад этмоқда

«Гранд» радиостанцияси Гулнора Каримованинг эри Рустам Мадумаровга тегишли эканлиги ҳақидаги маълумотларни рад этди, деб ёзади “Дарё” нашри. «20 йиллик фаолиятимиздан сўнг ...

Ўзбекистонда йил бошидан бери 13 та янги жомеъ масжиди очилди

Ўзбекистонда йил бошидан буён 13 та янги жомеъ масжиди очилди. Бу ҳақда Ўзбекистон мусулмонлари идораси раиси, муфтий Усмонхон Алимов Қозоғистонда кеча куни бўлиб ўтган ...

Энди қирғизистондаги барча масжидларда жума маърузалари қирғиз тилида айтилади

Қарорни бажарилишини муфтият, вилоят, туман ва шаҳар имомлари назорат қилишади. Фото:Спутник Бундан кейин диний иш қоғозлари ва жума маърузалари қирғиз тилидагина ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400