Бошқа мавзуларЭронда Германия чемпионатининг 22-туридан ўрин олган “Бавария”-“Аугсбург” учрашуви давлат телеканали орқали намойиш қилиниши режалаштирилганди. Бироқ немис журналисти Натали Амирининг маълум қилишича, учрашув намойиши бекор қилинган. Бунга эса учрашувни аёл ҳакам – 39 ёшли Бибиана Штайнхаус бошқаргани сабаб бўлган. Аёл ҳакамнинг майдонда шортикда ҳаракатланиши Эрон федерал канали орқали намойиш қилиш учун номақбул деб топилган.
Штайнхаус 2017 йил сентябрда “Герта” ва “Вердер” ўртасидаги учрашувда ҳакамлик қилиб, Бундеслига тарихидаги илк аёл ҳакамга айланган.
