Ўзбек қизларига уйланиш жанубий кореяликларга қимматга тушмоқда

Жанубий Кореяда сўнгги ўттиз йил ичида қишлоқ аҳолиси камайиб кетди. Қишлоқ ҳудудларда аҳолини кўпайтириш учун шаҳар ҳокимлиги хориждан келин сотиб олишга ёрдам бермоқчи. Бу ҳақда The Straits Timesга таяниб “Дарё” нашри ёзмоқда.

Фото:barsuka-nora.su

Қишлоқ хўжалиги ва балиқчилик маҳсулотларини доимий равишда сотиб оладиган 35 та шаҳар ҳокимлиги хорижлик келинларга уйланмоқчи бўлган қишлоқ эркакларига субсидиялар ажратмоқда.

Бўлғуси келинлар асосан жанубий-шарқий Осиёдан сотиб олинмоқда. Бу билан қишлоқдаги аҳоли сонини ошириш режалаштирилган.

Уч миллион вондан 10 миллион вонгача ($2,660 дан $8,870 гача) бўлган ҳукумат субсидиялар Жанубий Кореянинг қишлоқ ҳудудларида уйланмаган эркаклар учун чет элдан келин сотиб олишга ажратилган.

1980 йиллардан бери урабанизация сабаб қишлоқларда одам сони камая бошлаган. Кўпчилик аёл-қизлар шаҳарларга кетиб, ўша ерда турмуш қура бошлаган. Эркаклар эса конфуцийчилик эътиқодига кўра, қишлоқда қолиб, ота-боболарининг ишини давом эттиради.

Масалан, Гёнгги провинциясида 35 ёшдан 55 ёшгача бўлган, қишлоқ хўжалиги, балиқчилик ва ўрмончилик саноатида ишлайдиган, ҳали бирор марта ҳам уйланмаган ҳамда қишлоқда уч йилдан ортиқ вақт яшаган эркакларга $8,870 пул ажратилган.

Хабарда айтилишича, 2009 йилдан бери 57 нафар эркак ушбу фонд билан таъминланиб, оила қурган. Энг кўп келинлар Вьетнамдан, ундан кейинги ўринларда эса жанубий-шарқий Осиё туради.

«Севгига эмас, пулга асосланаган бундай никоҳ тил ва инсон ҳуқуқлари билан боғлиқ кўплаб муаммоларга сабаб бўлади. Хорижлик келинлар худди мулк сифатида қаралади ва улардан уй бекаси ҳамда насл давом эттирувчи ролини бажариши кутилади», — дейди Ewha тадқиқот институте директори Жанг Ҳан Ап.

Тадқиқотларга кўра, 920 нафар мигрант аёлдан 42,1 фоизи уларга нисбатан тажовуз кўрсатилгани ҳамда 68 фоизи исталмаган жинсий мажбуриятлар қурбонига айланганини айтган.

Ажратилаётган субсидия турмуш харажатларини қисман қоплайди. Жумладан, турар жой, авиахаражатлар ва брокерлик тўловлари. Совчилик веб-саҳифаси орқали номзод танлангач, кореялик йигит аёл билан учрашиш учун унинг мамлакатига учиб боради.

Ўзбекистондан қиз олиш эса энг қиммат дея баҳоланмоқда. Бир киши учун 18,3 миллион вон (16,300 доллар) кетади.

 

Бўлишинг:

Муҳаррир танлови

Бухоролик фуқаро 9.200.000 сўм алимент пулини тўлагач, қамоқдан озод қилинди

Бир неча йилдан буён фарзанди учун алимент пули тўлашдан қасддан бўйин товлаб келган Бухоро туманида истиқомат қилувчи  фуқаро Қаюм Ҳайитов 9.200.000 сўмни тўлагач, ўзига ...

Данғара тумани ҳокими саидмурод аминжонов зўравон бўлиб чиқди

 Фарғона — Данғара тумани ҳокими Саидмурод Аминжонов ҳар душанба йиғилиш ўтказиб, гапни таълим ходимларини камситиш ва ҳақорат қилишдан бошлайди. Бу ҳақда Халқ таълими ...

Ўзбекистонда ҳар йили 600 га яқин аёл ўз жонига қасд қилмоқда

Кеча Ахборот ва оммавий коммуникациялар агентлигида «Оиладаги зўравонлик масалалари, турли вазиятлар таҳлили ва бу борада олиб борилаётган чора-тадбирлар» мавзусида брифинг ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400