Телевизор пультини боссангиз, ватан ҳақидаги баландпарвоз гапларни эшитасиз

Адабиётшунос Иброҳим Ҳаққул бугунги ўзбек жамиятида учраётган иллатларни қаттиқ танқид остига олди. Унинг фикрича, жамиятимизда ёшларнинг эркин фикрлаши, журъатига дахл қилиш, тўсқинлик ҳамон давом этмоқда.

Фото:Кун.уз

«Одамларимиз «Ватан» деган сўзни эшитганда энса қотирадиган бўлиб қолишган. Нега? Чунки, қачон телевизор пультини боссангиз, ватан ҳақидаги баландпарвоз гапларни эшитасиз. Телевидениеда, газеталарда, оммавий тадбирларнинг барчасида шундай, бир хил шаблондаги гаплар. Энг ачинарлиси, буларнинг ҳеч бири юракдан айтилаётган гаплар эмас. Катталар ёшларга «шу гапни гапирмасанг ўсмайсан, медаль ололмайсан», дейишяпти. Оқибатда ёшлар фикрсиз бўлиб ўсяпти. Улар орасида соғлом рақобат, фикрлашувни деярли кўрмайсиз. Масалан, шу каби ёшларга салгина конструктив фикр билдириб кўринг-чи, улар ўша фикр эгасига тезда душман кўзи билан қарай бошлашади, унинг илдизини қуритишга уринади. Афсуски, уларнинг кўпчилигини энди ўзгартириб бўлмайди.

Бу ишларни зудлик билан тўхтатиш керак, акс ҳолда ёшларимизни бой бериб қўямиз. Уларни бундай фикрсизлик билан ўстириш яхшиликка олиб бормайди», дея ёзувчининг сўзларини келтирмоқда Kun.uz нашри. 

Иброҳим Ҳаққул фикрсиз одам ҳеч кимга вафо қилмаслиги, бугун бир киши ҳақида мадҳ куйласа, эртага бошқа бир иккинчи кишига таҳсин ўқишини таъкидлаб ўтди.

«Ёшлар онгида фикрлашдаги қўрқувни йўқотайлик», дея қўшимча қилади у.

 

Бўлишинг:

Муҳаррир танлови

Нафс маликалари

Шу йилнинг октябр ойи ўрталарида Фарғона вилояти Марғилон шаҳрида опа-сингил Гулбаҳор Мўминова(1971 йилда туғилган), Дилноза Мўъминова(1982йилда туғилган), Аҳмедова Дилобар ...

Самарқандда миб ходими 600 доллар пора билан қўлга тушди

Фарид Абдуллаев Ўзбекистон Республикаси бош прокуратураси ҳузуридаги мажбурий ижро бюроси Самарқанд тумани бўлимида энергия ресурслари ва сувдан фойдаланиш тартибини назорат ...

Жорий йилнинг май ойида фуқаролар йиғини раиси (оқсоқоли) сайлови бўлиб ўтади. бу йилги сайлов аввалгиларидан нимаси билан фарқ қилади?

Янги таҳрирда қабул қилинган «Фуқаролар йиғини раиси (оқсоқоли) сайлови тўғрисида»ги қонунга мувофиқ фуқаролар йиғини раиси (оқсоқоли) икки ярим эмас, уч йилга сайланиши ...