2020–2024 йилларда мамлакат олтин захирасига қўшимча 474 тоннага (18,75 млрд долларга) бойиши айтилмоқда.
Ушбу рақамлар Геология тармоғини ривожлантириш концепцияси лойиҳасида келтирилади.
Кейинги беш йилда асосий геологик қидирув ишлари Навоий вилояти (Қизилқум)да, шунингдек Самарқанд ва Тошкент вилоятларида ўтказилади. Бу ишларга сарфланадиган харажатлар бир грами олтин учун 0,48 доллар (маҳслуот қийматининг 1,23%и)ни ташкил қилади. Бу жаҳондаги ўртача кўрсаткичлардан анча паст,- дейилади концепцияда.
Давлат геология қўмитасига кўра, 2018 йил 1 январь ҳолатига Ўзбекистондаги қазилма олтин захираси 5,99 минг тоннани ташкил қилган, 2017 йилда 89,9 тонна қимматбаҳо металл қазиб олинган.