Ҳиндистон Покистоннинг қирувчи самолётини уриб туширди

Ҳиндистон Кашмир осмонида Покистоннинг қирувчи самолётини уриб туширганини маълум қилди.  Бу ҳақда РИА Новостига асосланиб “Соф.уз” ёзмоқда.

“Покистон авиацияси ўз вақтида аниқланди ва Ҳиндистон ҳарбий-ҳаво кучлари дарҳол жавоб қайтаришди”, – деди Ҳиндистон ТИВ расмий вакили Равиш Кумар.

У Ҳиндистон ўзининг МиГ-21 самолётини йўқотганини ва учувчи бедарак йўқолганини қўшимча қилди.

Эслатиб ўтамиз, аввалроқ Покистон армияси чоршанба куни эрталаб мамлакатнинг баҳсли минтақаси Кашмирда Ҳиндистоннинг иккита ҳарбий самолётини уриб туширгани ҳақида хабар қилинган эди.Покистон ТИВ Исломобод ўз-ўзини мудофаа қилишга қодирлигини намойиш этганини маълум қилган эди.

Исломобод ва Нью-Деҳли муносабатлари кескинлашган. Томонлар ўртасида сиёсий, тарихий ва ҳудудий, хусусан, Кашмир вилоятининг мақоми юзасидан келишмовчиликлар мавжуд.

Кашмир – баҳсли ҳудуд. У ерда мустақилликка эришиш ёки Покистонга қўшилиш тарафдори бўлганлар фаол ҳаракат қилишмоқда.

Нью-Деҳли Покистон ҳукуматини қуролли тарафдорларни қўллаб-қувватлашда айбламоқда, Исломобод эса айбдовни рад этмоқда.

Мамлакатлар ўртасидаги низо 14 февралдан сўнг янада кескинлашди. Худкуш террорчи Ҳиндистон ҳарбий полицияси колоннаси ёнида ўзини портлатиб юборди. Оқибатда 45 киши ҳалок бўлди.

 

Бўлишинг:

Муҳаррир танлови

Бишкек шаҳри атрофида номаълум шахслар машиналар ва уйларни ёқиб юборишди

Қирғизистоннинг Чуй вилояти, Аламудун туманидаги Маёвка қишлоғида номаълум шахслар автомобиллар ва уйларга ўт қўйишди. Низо 17 октябрга ўтар кечаси бўлган. (more…)

Бахриддин исамов суд-психиатрия экспертизасидан ўтмоқда 

Яккабоғ тумани ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари Мансур Туймаевнинг ҳаётига суиқасд ...

Хитой илк бор украинадаги урушни қоралаб, уни тўхтатишга чақирди

Хитой раҳбари Си Цзиньпин жума куни Жо Байден билан ўтказилган музокараларидан сўнг Пекин ва Вашингтон халқаро хавфсизликни сақлаш учун биргаликда жавобгар бўлиши кераклигини ...