Ўзбекистон Россия газ компаниясидан 600 миллион доллар қарз бўлиб қолди

Ўзбекистон Россиянинг «Лукойл» компаниясидан 600 миллион доллар қарз бўлиб қолди. Бу ҳақда  «Лукойл»нинг газ қазиб олиш ишлари бўйича катта вице-президенти Азат Шамсуаровга асосланиб «Хабар.уз» ёзмоқда.

Фото:yandex.ru

«Лукойл» Ўзбекистонда «Қандим-Хаузак-Шоди-Қўнғирот» ва «Жануби-Ғарбий Ҳисор» лойиҳаларида маҳсулотларни тақсимлаш тўғрисидаги битим шартлари асосида ишлайди. Унда қазиб олинган газ асосан Хитойга экспорт қилинади.

Шамсумаров сўзларига кўра, қарз қазиб олинган газнинг барчаси чет элга экспорт қилиниши керак бўлса ҳам, маълум бир қисми Ўзбекистон бозорига йўналтириши сабабли вужудга келган.

Лукойл вице-президенти компания ҳозирда Ўзбекистонда йилига 14,5 миллиард кубометр газ қазиб олишини маълум қилган. Компания мамлакатдаги лойиҳалар учун 8 миллиард доллар инвестиция ётқизган ва 4 миллиард долларни аллақачон қайтарган.

2004 йилда Ўзбекистон бозорига кириб келган Лукойл 2020 йилгача газ қазиб чиқаришни 16 миллиард кубометрга етказган. Булардан 8 миллиарди Қамдимдан, 6 милларди Ҳисор, 3 миллиарди Хаузакдан қазиб олиниши режалаштирилган.

Бўлишинг:

Муҳаррир танлови

Туркистонда нима бўлган эди. фитна (iii-бўлим)

1917 йилнинг октябрь-ноябрь ойларида Тошкентда ва Қўқонда рўй берган воқеалар илғор жадидларни, Туркистон миллий озодлик ҳаракати ғоявий раҳнамоларини янги йўл – асл халқ ...

Сурхондарёда кўзи ожиз ва заиф кўрувчилар мактабида болалар полда ухлашга мажбур бўлмоқда

Сурхондарё вилояти, Шўрчи туманида жойлашган вилоят кўзи ожиз ва заиф кўрувчи болаларни ўқитишга ихтисослашган мактаб интернатидаги шароитлар юзасидан мурожаат келиб ...

Лавров: ғарб исталган вақтда истаганини сотиб кетиши мумкин

Ғарб исталган вақтда истаганини сотиши мумкин. Бу фикрни Россия ташқи ишлар вазири Сергей Лавров бугун бўлиб ўтган матбуот анжуманида билдирди. “Россия бундан кейин асосий ...