Конституцияга ўзгартиш ва қўшимчалар киритилди

​​Президент Шавкат Мирзиёев ҳукуматни шакллантириш тартиби демократлаштирилиши ва унинг масъулияти кучайтирилишига оид қонунга имзо чекди. Қонуннинг расмий матни «Халқ сўзи» газетасида эълон қилинди.

Иллюстратив фото

Мазкур қонунга биноан, айрим қонун ҳужжатларига, хусусан Ўзбекистон Конституциясига ўзгартиш ва қўшимчалар киритилди. @xushnudbek’нинг ёзишича, бу Конституция қабул қилинган кейин киритилган 12-ўзгартиришдир. Ўзгартиришлар қуйидагича:

👉 Олий Мажлис Қонунчилик палатасининг мутлақ ваколатлари яна биттага кўпайтирилди ҳамда 79-модда «Бош вазирнинг тақдимига биноан Вазирлар Маҳкамаси аъзолигига номзодларни кейинчалик уларни Президент томонидан лавозимларга тасдиқлаш учун кўриб чиқиш ва маъқуллаш» ваколати билан тўлдирилди.

👉 Президент ваколатлари белгиланган 93-модданинг 11-бандида «Бош вазир тақдимига биноан Вазирлар Маҳкамаси аъзоларини тасдиқлаш ва лавозимларидан озод қилиш» назарда тутилган эди. Эндиликда мазкур моддага қўшимча киритилиб, бош вазир Олий Мажлис Қонунчилик палатаси маъқуллаганидан кейингина тақдим киритиши назарда тутилди.

👉 шунга ўхшаш ўзгариш Вазирлар Маҳкамасига бағишланган 98-моддага ҳам киритилди. Унга кўра, Вазирлар Маҳкамасининг аъзолари Олий Мажлисининг Қонунчилик палатаси маъқуллаганидан кейин киритилган бош вазир тақдимига биноан Президент томонидан тасдиқланиши назарда тутилди.

Хуллас, Конституцияга киритилган учта кичик ўзгартиришларнинг барчаси Олий Мажлис Қонунчилик палатасининг Вазирлар Маҳкамаси аъзолигига номзодларни кўриб чиқиш ва маъқуллашга тааллуқлидир.

Ёдингизда бўлса, ушбу таклиф ўтган йили 28 декабрь куни Шавкат Мирзиёевнинг Олий Мажлисга йўллаган Мурожаатномасида айтилган эди.


Манба:Дарё

 

Бўлишинг:

Муҳаррир танлови

Ўзбек аёли паранжини қандай ташлади?

Ўтган асрнинг 20–30-йиллари Ўрта Осиё минтақаси аёллари тақдирида туб бурилиш ясади. Уларнинг турмуш тарзи, ижтимоий фаоллиги, жамиятдаги ўрни, ижтимоий хулқ-атвори тубдан ...

Ўзбекистонда шифокорга зўравонлик қилганлар 5 йилгача озодликдан маҳрум этилиши мумкин

Соғлиқни сақлаш вазирлиги ташаббуси билан Ўзбекистон Республикаси Олий Мажлиси Қонунчилик палатаси кўмагида “Ўзбекистон Республикасининг Жиноят кодексига қўшимча киритиш ...

Хитой ўзбекистон фуқаросини суд қилмоқда

2019 йилнинг 19 август куни Ўзбекистоннинг Шанхай шаҳридаги (Хитой) Бош консулхонаси вакиллари Ханчжоу шаҳар (Чжэцзян провинцияси) Фуқаро ишлари бўйича иккинчи инстанцияси ...