Раймонд Вейонис Европани «Россия агрессияси»га қарши бирлашишга чақирди

Латвия президенти Раймонд Вейонис Германиядаги Spiegel нашрига берган интервьюсида Европа мамлакатларини «Россияни тўхтатиш учун» бирлашишга чақирди, деб ёзади “Кун.уз” нашри.

Сиёсатчининг сўзларига кўра, расмий Москва кейинги вақтларда «ўз геосиёсий мақсадларига эришиш» учун агрессив сиёсат юритмоқда.

«Биз қўшни давлатлар ҳисобланамиз ва умумий иқтисодий манфаатларга эгамиз, аммо бошқа томондан биз диққатли бўлишимиз керак. Улар тийилиб туришига ишончимиз комил бўлмоғи керак», деган у.

Вейонис Европага бирлик зарурлиги, акс ҳолда Россия қитъадаги давлатларга ҳужум қилиши мумкинлигини қўшимча қилиб ўтган ва Украинани мисол қилиб келтирган.

Латвия президенти расмий Москва «Латвиядаги рус тилли аҳолига кучли таъсир кўрсатиши» ҳақидаги фикрларини билдириб ўтган. Унинг айтишича, бундай таъсирга тушган кишилар рус мактаблари латиш мактабларига айлантирилишига қарши акциялар уюштирмоқда.

Бундан ташқари, Вейонис «Шимолий оқим-2» газ қувури қурилишини танқид қилиб, буни «геосиёсий лойиҳа» деб атаган.

Бундан аввалроқ, Латвиядан ташқари Литва ва Польша ҳам «Шимолий оқим-2» қурилишига қарши чиқишганди, бу давлатлар лойиҳа амалга оширилишига қаршиликларини қўшма баёнот орқали билдиришган. Бу давлатлар етакчиларининг фикрича, лойиҳа сиёсий ҳисобланади. Россия бир неча марта газ қувурини таъсир доирасини кенгайтириш воситаси сифатида қабул қилмасликка чақирган. Владимир Путиннинг сўзларига кўра, расмий Москва бу лойиҳага фақат иқтисодий жиҳатдан ёндашади.

 

Бўлишинг:

Муҳаррир танлови

Абдулла ариповнинг ўринбосари нодир отажонов президент администрациясига ўтказилди

Ўзбекистон Республикаси бош вазири ўринбосари Нодир Отажонов президент администрациясига ўтказилди. Бу ҳақдаги маълумотни Kun.uz ахборот манбаси тасдиқлади. Фото: Халқаро ...

Қирғизистон чегарасидаги қишлоқлар аҳолиси эвакуация қилинмоқда

Қирғизистоннинг Лайлак тумани Қулунду қишлоқ округининг Интернационал, Мақсат қишлоғи ҳамда Янги-Ер қишлоқ ҳудуди Дўстлик, Марказ, Арка ва Жаштиқ қишлоқлари аҳолиси эвакуация ...

Судьянинг нохолислиги ёки давлат телеканалининг “шохи” борми?

  Ушбу мавзуда қоғоз қоралашга биргина нарса сабаб бўлди. У ҳам бўлса яқинда ташкил этилган «O‘zbekiston24» телерадиоканалида “Аҳмадбой” иши бўйича Жиноят ишлари бўйича ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400