Бошқа мавзуларҲукумат қарори билан “Ўзэлтехсаноат” уюшмасининг раиси ва раис ўринбосарлари тайинланди.
Адлия вазирлигининг Telegram каналида хабар берилишича, “Ўзэлтехсаноат” уюшмасининг раиси этиб Алишер Абдуҳашимович Абдуллаев тайинланган.
Бундан ташқари, уюшма раисининг биринчи ўринбосари этиб Мансур Рустамович Ҳошимов тайинланган. Умид Шавкат ўғли Ислом ва Жаҳонгир Жалилович Жамолов эса раиснинг ўринбосарлари этиб тайинланган.
Эслатиб ўтамиз, уюшманинг асосий вазифаси хом ашёни қайта ишлаш, юқори қўшилган қийматли тайёр маҳсулот ишлаб чиқариш ва экспорт қилиш бўйича ягона комплекс сифатида, шу жумладан саноат кооперациясини кенгайтириш ва қўллаб-қувватлаш асосида саноатни барқарор ривожлантириш стратегиясини ишлаб чиқиш ҳисобланади
