Бошқа мавзулар12 март куни Набережние Челни шаҳар суди Владимир Путинга «қабр тоши» қўйилган акцияда иштирок этган фаоллардан яна бир — 32 ёшли Николай Переседовни ҳибсга олди. Бу ҳақда Meduzaга таяниб “Дарё” нашри ёзмоқда.
Суд унга нисбатан олти суткалик маъмурий қамоқ жазосини тайинлади. Переседов оммавий тадбирни белгиланган тартибда огоҳлантирмасдан ташкил этиш ёки ўтказишда айбдор деб топилган.
Норозилик акцияси 10 март куни ўтказилган. Шу куни Россиянинг турли шаҳарларида Интернет эркинлигини талаб қилиб митинглар ўтказилган. Тахминан соат 08:30 да тергов бошқармаси биноси олдида металл панжара ва Россия президенти Владимир Путиннинг туғилган ва «вафот этган» йиллари: 1952—2019-ёзилган «қабртош» қўйилган.
Хабарда айтилишича, иштирокчилар бунга «Путин эркин интернетни дафн қилди, Набережние Челни аҳолиси Путинни дафн қилди», — деб изоҳ берган.
Аввалроқ сиёсий фаоллардан бири Карим Ямадаев мазкур акция учун 28 суткага ҳибсга олинганлиги ҳақида хабар берилган эди
