Бошқа мавзуларҚозоғистон 14 мартдан бошлаб Ўзбекистондан сархил анор олиб киришга қўйилган чекловни олиб ташлади. Мазкур тақиқ 19 февралда жорий этилган эди. Бу ҳақда “Ўздавкарантин” инспекцияси матбуот хизмати хабар берди.
Остона шаҳрида “Ўздавкарантин” раҳбари Иброҳим Эргашев ва Қозоғистон қишлоқ хўжалиги вазири ўринбосари Гулмира Исаева ҳамда ушбу вазирлик агросаноат комплексидаги Давлат инспекцияси қўмитаси раиси ўринбосари Алмабек Марс билан бўлиб ўтган музокаралар якунида шу бўйича келишувга эришилган.
Учрашув давомида икки давлат карантин хизматлари ўртасидаги ўзаро ҳамкорликни мустаҳкамлаш, икки мамлакатдаги фитосанитар вазият, карантиности маҳсулотлар экспорти ва импорти назорати масалалари ҳам муҳокама қилинди.
