Ҳокимга мурожаат қилган тадбиркорнинг кафесини бузишмоқчи

Вилоят ҳокимининг шу йил 15 март кунги тадбиркорлар билан учрашувида каттақўрғонлик якка тартибдаги тадбиркор Элёр Қодиров туман марказидаги истироҳат боғида салқин ичимликлар ва музқаймоқ савдоси билан шуғулланиб ўнта доимий иш ўрни яратгани, энди фаолиятини кенгайтириб истироҳат боғига замонавий аттракционлар келтиришда амалий ёрдам сўраб мурожаат қилганди. Мурожаатини жойида ўрганиб чиқиш ва масалага ижобий ечим топишда ёрдам кўрсатиш учун вилоят адлия бошқармаси бошлиғи биринчи ўринбосари Ҳусан Хўжамқуловга топшириқ берилганди, деб ёзади Зарафшон газетаси.

Фото:«Zarnews»

– Замонавий аттракционлар келтириб, боғни ёшларимизнинг кўнгилочар масканига айлантириш ва Кадан қўрғонидаги қаровсиз ҳолга келиб қолган автотураргоҳда енгил конструкцияли бекат қуриш бўйича 2018 йил сентябрь ойида туман ҳокимига таклифимни билдириб, амалий ёрдам сўрагандим. Аммо март ойигача ҳам натижа бўлмади. 9 март куни бизнес лойиҳаларимни олиб ҳокимга учрашганим ҳам фойдасиз бўлди.

15 март куни вилоят ҳокимининг қабулида бўлганимдан сўнг кечга яқин вилоят адлия бошқармаси бошлиғининг ўринбосари келиб жойимни ва ишимни кўриб кетгач, бироздан сўнг туман ҳокимлигига чақиришди. Ҳоким хонасида тумандаги соҳага тегишли ташкилот раҳбар-мутахассислари, ҳуқуқни муҳофаза қилиш органлари вакиллари ва бошқа мансабдорлар менинг мурожаатимни ҳал этиш ўрнига тадбиркорлик фаолиятимдаги йўл қўйган хатоларимни муҳокама қилишди. Ҳокимнинг рухсати билан уч метрли йўлакча ётқизганим ва истироҳат боғидаги музқаймоқ кафесига қўшни бўлган нотариус илтимосига кўра идора ҳовлисидаги гулларга сув қуйиб туришим учун темир тўсиқдан эшик очганим ва ўша куни бекитиб қўйганим, ижара шартномасидаги ишларни бажарилмаган, дея қарорни бекор қилиш ва музқаймоқ кафесини буздириб ташлаш, ўрнини аукционга қўйиб сотишларини билдиришди.

Ичкаридан қандай чиқдим билмадим, аммо эшик олдида ҳокимият ходимлари менга «Кўпроқ вилоят ҳокимидан ёрдам сўранг, Сизга бу ҳам кам, энди жойингизни бузамиз», деб масхаралашди. Айбим – вилоят ҳокимига мурожаат қилганимми?…

Масала тафсилотларига аниқлик киритиш учун вилоят адлия бошқармаси бошлиғининг биринчи ўринбосари Ҳусан Хўжамқулов билан боғландик.

– Тадбиркор вилоят ҳокими қабулига автомобиллар учун замонавий бекат қуриш ва Пайшанба шаҳри марказидаги истироҳат боғида дирекция ташкил этиб, унга боғни ижарага бериш бўйича мурожаат қилди. Масалани ўрганиб чиқиб, мулкни ижарага олиш талаблари, тартиблари, туман ҳокимлари мулк ёки ерни бирор кишига тўғридан-тўғри қарор асосида бериш ваколати йўқлиги  ва бошқа ҳуқуқуий маслаҳатларни бердим. Билишимча, унинг музқаймоқ сотиш павильони бор ва унинг ёнидан 2018 йил ноябрь ойида яна 2 сотих қўшимча ер олган экан. Лекин тадбиркор ноқонуний равишда 3 метр майдонни қўшиб олган ва ер ижара шартномасини вақтида тузмаганлиги учун унинг музқаймоқ павильони бузиладиган бўлди. Истироҳат боғи туман ободонлаштириш бўлими балансида ва туман ҳокимлиги бу ерни обод ҳудудга айлантириш учун 2 миллиардга яқин маблағ сарфлаган. Боғ ҳудуди катта бўлганлиги учун уни бир неча қисмларга бўлиб аукцион орқали тадбиркорларга берилади.

 

Бўлишинг:

Муҳаррир танлови

«озодлик радиоси»га қанча пул ажратилиши маълум бўлди

«Озодлик Радиоси» (тўла номи - «Озод Европа Радиоси/Озодлик Радиоси», РСЕ/РС) - АҚШ Конгресси томонидан молиялаштириладиган халқаро нотижорат радиоузатиш ташкилоти. Бу ҳақда ...

Петербургда ўзбекистонлик аёл ва унинг вояга етмаган қизи зўрланди

Петербургда ўзбекистонлик аёл ва унинг вояга етмаган қизи иштирокида даҳшатли воқеа юз берди. Бу ҳақда Россия матбуотига таяниб “Кун.уз” ёзмоқда. 18 май куни Ўзбекистоннинг ...

Янги тошкент қурилиши ортидан яна қанча оилалар бошпанасидан айрилар экан-а?

Томдан тараша тушгандай, Янги Тошкент қурилиши ҳақида гап-сўзлао пайдо бўлди. Тошкент шаҳар ҳокими биринчи ўринбосари Даврон Ҳидоятов туркиялик инвесторлар билан бўлган ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400