Бошқа мавзуларҲаваскор боксда жаҳон чемпионати совриндори, бугунги кунда профессионал боксда фаолият олиб бораётган Элнур Абдураимов Екатеринбургда жанг ўтказди. Бу ҳақда “Olamsport.com ” сайти ёзмоқда.
Элнур профессионал боксдаги тўртинчи жангида россиялик Дмитрий Хасиевга қарши жанг қилди. 6 раундга мўлжалланган жанг 2-раунддаёқ якунланди. Ҳамюртимиз иккинчи раундда рақибини нокдаун ҳолатига туширди. Орадан бироз ўтиб эса, Элнурнинг рақиб жигарига берган кучли зарбаси Хасиевни нокаут ҳолатига туширди.
Шу тариқа, боксчимиз тўртинчи жангида тўртинчи нокаутли ғалабасини қўлга киритди. Хасиев эса 12-жангида иккинчи мағлубиятини қабул қилиб олди. Бунгача ўтказган 11 та жангида у 8 та ғалаба (2 та нокаут), 1 та мағлубият ва 2 та дуранг қайд этган. Демак, Элнур Хасиевга фаолиятидаги илк нокаутни тақдим этди.
