Бошқа мавзуларЖаҳон банкининг Директорлар кенгаши Фарғона водийси вилоятларида қишлоқ жойларда тадбиркорликни ривожлантириш учун 200 миллион доллар кредит беришни маъқуллади, Бу ҳақда банк ваколатхонасига таяниб “Соф.уз” ёзмоқда.
“Ушбу лойиҳа Жаҳон банки Директорлар кенгаши томонидан маъқулланди. У Жаҳон банки таркибига кирувчи Халқаро ривожланиш ва тараққиёт банкининг 200 миллион доллар қарзи ҳисобидан амалга ош оширилади”, – дейилган расмий хабарда.
Хабарда айтилишига кўра, ушбу кредит Андижон, Фарғона ва Наманган вилоятларида тадбиркорликни амалга ошириш учун техник кўмак кўрсатиш, ишлаб чиқаришни йўлга қўйиш мақсадларида ишлатилади.
Кредитлар қишлоқ хўжалик, озиқ-овқат маҳсулотларини қайта ишлаш ва туризм соҳаларидаги лойиҳаларни амалга оширишга қаратилган лойиҳалар учун ажратилади.
Эслатиб ўтамиз, Ўзбекистон 1995 йилда ЖБ аъзоси бўлган эди. Шу кунга қадар Жаҳон банки Ўзбекистонга 4 миллиард доллар кредитлар ажратган. Ушбу кредитлар ҳисобидан 36та лойиҳалар амалга оширилган.
