Бошқа мавзуларОқшом доирасидаги қизиқарли жангларнинг бири ватандошимиз Улуғбек Ҳақбердиев иштирокида бўлиб ўтди, деб ёзмоқда Оламспорти сайти.
Профессионал бокснинг 72,6 кг, яъни ўрта вазн тоифасида ўз жангларини ўтказиб келаётган Улуғбек олти раундлик жангда рингга кўтарилди.
Аслида Ҳақбердиев россиялик Карен Аветисянга қарши жанг ўтказиши керак эди. Лекин кутилмаганда жанг куни чарм қўлқоп устамизнинг рақиби ўзгарди. Улуғбек латвиялик рақибини учинчи раунддаёқ нокаутга учратди.
Кечаги жанг Ҳақбердиев учун проф рингдаги олтинчиси бўлди. Самарқандлик боксчи шу кунгача ўтказилган 6та жангнинг барчасида ғалаба қозонган. Тўртта жанг муддатидан аввал якунланган.
