Олтиариқда бозор раҳбари картошка захирасини талон-тарож қилди

Фарғона вилояти Олтиариқ туманида бозор раҳбари қиш-баҳор мавсуми учун захира қилинган 103 миллион сўмликдан ортиқ картошка маҳсулотини талон-торож қилди. Бу ҳақда ЎзА хабар берди.

Ҳар йили мамлакатимизда аҳоли ҳамда ижтимоий соҳа муассасалари эҳтиёжи учун асосий турдаги қишлоқ хўжалиги маҳсулотларини қиш ва баҳор мавсуми учун захирага жамғариш ишлари амалга оширилади.

Хусусан, Олтиариқ туманида 2017-2018 йиллар учун бу мавсумга тайёргарлик кўриш учун барча ташкилотларга аниқ вазифалар топширилган эди.

Туман “Деҳқон бозори” масъулияти чекланган жамияти раҳбари А. Раҳимов (исм фамилияси ўзгартирилган) эса бу борада ўз бурчини унутди. У бошқа шахслар билан олдиндан тил бириктириб, гуруҳ бўлгани ҳолда жиноятга қўл урди.

Масъулият чекланган жамият қошидаги “Олтиариқ импорт экспорт” унитар корхонасига АТ “Асакабанк” Олтиариқ филиалидан 180 миллион сўмлик кредит олиниб, аҳолини арзон нархларда қишлоқ хўжалик маҳсулотлари билан таъминлаш мақсадида 60 тонна картошка захираси яратилди.

Бозор раҳбари мазкур маҳсулотдан баҳоси 79 миллион 530 минг сўмлик 26 минг 510 килограмм истеъмолга яроқли бўлган қисмини апрель-май ойларида ҳеч қандай ҳужжатсиз Д. Қосимовга, баҳоси 24 миллион сўмлик 8 минг килограммини эса май ойида “Нодира диёр мевалари” корхонаси раҳбарига бериб юбориб, ўзганинг жуда кўп миқдордаги мулкини растрата қилиш йўли билан талон-торож қилган.

“Ниёзхон-Мусахон” деҳқон хўжалиги раҳбари Д. Қосимов эса бошқа шахслар билан олдиндан тил бириктириб, гуруҳ бўлгани ҳолда “Деҳқон бозори” масъулияти чекланган жамияти қошидаги “Олтиариқ импорт экспорт” унитар корхонасида захира қилинган картошка маҳсулотининг 103 миллион 530 минг сўмлик 34 минг 510 килограммини бозор раҳбари А. Раҳимовдан қабул қилиб олиб, терговда аниқлашнинг имкони бўлмаган шахсларга сотиб юбориб, ўзганинг жуда кўп миқдордаги мулкини ўзлаштириш йўли билан талон-торож қилган.

Бундан ташқари, суд жараёнида масъул раҳбарларнинг ўз вазифаларини лозим даражада бажармаганликлари натижасида қиш-баҳор мавсуми учун захира қилинган картошка сифатли сақланмаганлиги ва маълум қисми чириб, истеъмолга яроқсиз бўлиб қолганлиги аниқланди.

Жиноят ишлари бўйича Қўштепа туман судида мазкур жиноят иши кўриб чиқилиб, А. Раҳимов ва Д. Қосимовларга тегишли жазо тайинланди. Улар томонидан етказилган моддий зарар тўлиқ қопланди.

 

Бўлишинг:

Муҳаррир танлови

Ўзбекистон бош прокурорининг қабулга келган фуқароларнинг 90 фоизи суддан шикоят қилди

Ўзбекистон Президенти халқ қабулхонаси томонидан пойтахтда ташкил этилган оммавий қабул жараёнида Ўзбекистон Республикаси Бош прокурори Отабек Муродовнинг шахсий қабули ...

Меҳмонлар нега хафа?

Бейнеу- Бухора йўлининг Қорақалпоғистон участкасида транзит фура аварияга учради. Фото:mulkdor.com Бухоролик хайдовчи бошқарувида бўлган  хусусий Фура, давлат рақами 80 S ...

Нодир тўрақуловнинг қудасига қарашли «метан-заправка» сотилди

Миллий хавфсизлик хизмати собиқ ходими Нодир Тўрақулов ва унинг жиноий шериклари Ўзбекистон Республикаси Ҳарбий судининг ҳукми билан узоқ йилга жиноий жавобгарликка ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400