Грузияда елим халталар тақиқланди

1 апрелдан Грузияда бир марталик елим халталарни ишлаб чиқариш, импорт қилиш ва сотиш тақиқланди. Улар ўрнини биологик парчаланиш ва деградацияга учровчи халталар эгаллайди. Бу ҳақда Agenda нашрига таяниб «Газета.uz» ёзмоқда.

Пластик халталарни ишлаб чиқариш ёки импорт қилиш қоидаларини бузганлик учун биринчи марта 500 лари (185 доллар), ҳуқуқбузарлик такрор содир этилганида эса 1000 лари (371 долларга яқин) миқдорида жаримага тортиш белгиланди.

Грузия Қишлоқ хўжалиги вазирлигининг қайд этишича, 2014 йилда мамлакатнинг ҳар бир фуқаросига йилига ўртача 525 та фойдаланилган пластик халта тўғри келган, айни вақтда, масалан Ирландияда бу кўрсаткич 14 та, Дания ва Финляндияда — 4 тани ташкил этган.

Грузия 2018 йилдан босқичма-босқич елим халталардан воз кечишни бошлади. Ўшанда мамлакатда қалинлиги 15 микрондан кам бўлмаган полиэтилен пакетларни ишлаб чиқариш ва сотиш, харидорларга сотиш ёки бепул тарқатиш тақиқланди.

Аввалроқ Европарламент 2021 йилдан Евроиттифоқ ҳудудида бир марталик идишларни ишлаб чиқариш ва сотишни тақиқлаган эди. Жумладан, пластик ошхона анжомлари, қулоқ тозаловчи тахтачалар ва ичимликлар учун найчалар тақиқланди. Нам салфеткалар, гигиеник воситалар, тамаки фильтрлари пластикдан тайёрланган бўлса, улар қадоқлари маркаланиши лозим.

 

Бўлишинг:

Муҳаррир танлови

Тошкент тиббиёт академиясида илк 11 нафар бемор коронавирусдан тузалди

Тошкент тиббиёт академияси кўп тармоқли клиникасида коронавирусга чалинган 11 нафар бемор соғайди. Бу ҳақда бугун, 19 апрель куни Соғлиқни сақлаш вазирлиги хабар берди ...

Тошкентда поезд вагонида селфи қилмоқчи бўлган икки ўсмирнинг бири ток уриши натижасида вафот этди

Ички ишлар вазирлиги Транспортда хавфсизликни таъминлаш бош бошқармаси ва «Ўзбекистон темир йўллари» томонидан ўтказилган «Темир йўлларда хавфсиз кун» тарғибот тадбирида ...

Наманганда фоҳишалар яшайдиган уйлар йўлакларига кузатув камералари ўрнатилмоқда

Наманганда барча фоҳишахоналар, компьютер ўйинхоналари ва спиртли ичимликлар сотиш дўконлари йўлакларига кузатув камералари ўрнатилмоқда. Бу ҳақда «Дарё» нашри ...