Психологга муҳтож психологлар (ҳажв)

Марҳум қизиқчи Ҳожибой Тожибоевнинг атом бомбалари ҳақидаги латифасини ҳаммамиз биламиз. Яъни атом бомба тушганда нима қилиш кераклигини кўрсатиб қўйган қўлланмаларнинг реал ҳаётга умуман мос келмаслиги кулги остига олинган. Психолог маслаҳатлари ҳам шундай экан.

Ўзбек психологларига ишингиз тушганми ҳеч? Улар асабий одамларни тинчлантириши керак аслида, лекин уларнинг маслаҳатларини эшитиб, тепа сочингиз тикка бўлади (агар соч бўлса). Келинг, бир қатор мисоллар келтирсак.

Психологларга энг кўп оилавий можаролар туфайли мурожаат қилишар экан. Шунисидан бошлаймиз биз ҳам. Дейлик, хотинингиз билан ҳар куни жанжал қиласиз, ҳеч чиқишолмайсиз. Шунда доктор (ёки маҳалладагилар) психологга боришни маслаҳат берди. (Бунақа маслаҳат берганни ўша жойнинг ўзида гапиролмайдиган қилиб қўяди баъзи эрлар.)

Психолог олдига келдингиз. У сизларнинг дардингизни эшитгач, “қимматли” маслаҳатларини беришга тушади. Масалан, қандай, дейсизми?

 

  1. “Эрингиз сизни ураётганда мавжланиб турган чексиз уммонлар ҳақида ўйланг”. Тасаввур қилинг, эр қони қайнаб турибди, сиз эса хаёлингизда океанда сузиб юрибсиз. Нима бўлади? Албатта, кўзингиздан юлдузлар чақнайди.

 

  1. “Уйда жанжал бошланса, оғзингизга қурут ёки конфет солиб олинг”. Шу орқали эрингизнинг калтакларидан ўзингизни чалғитишингиз мумкин экан…

 

  1. “Қайнонангиз билан жанжал бошланса, дарров оқ қоғозга табиат манзараларини чизишни бошланг”. Тасаввур қиляпсизми, қайнона қилич яланғочлаб турсаю, сиз расм чизсангиз. Шу пайт эр келиб қолса, оқ қоғозга ўзингизнинг расмингиз тушади.

 

  1. “Эрингиз сизни ураётган бўлса, кўчага чиқиб кетинг, машинада айланиб келинг”. Э яшанг! Биринчидан, эр ургандан кейин кўчага чиқиб бўлмайди. Иккинчидан, калтак еган пайтда рулга ўтирмаган маъқул. Учинчидан, эр ураётган пайтда шарт кўчага чиқиб кетсангиз, қайтиб киролмаслигингиз аниқлигиниям биласиз.

 

Хуллас, бунақа мисоллар кўп. Тинчланиш учун психолог олдига борган одам баттар асабийлашиб, психологнинг сочини битталаб юлишни истаб қолади (агар сочи бўлса).

 

Ёвқур Жайрон

Манба: Zed News

Бўлишинг:

Муҳаррир танлови

Владимирдаги ҳалокатда ўлганлар жасади ўзбекистонга етказилди

Ўзбекистон Мудофаа вазирлиги Россиянинг Владимир вилоятида содир бўлган автоҳалокатда ўлган ва жароҳат олганларни 8 октябрь куни ватанига етказди. O‘zbekiston24​ телеканали ...

Шаҳрисабзда 7-синф ўқувчиси нима сабабдан ўзини осиб ўлдирди?

28 ноябрь куни Шаҳрисабздаги 1- лицейнинг 7- синфида ўқийдиган бола ўз уйида осилган ҳолда топилди. Бу ҳақда “UZ24” нашри хабар бермоқда. Иллюстратив фото Туман Ички ишлар ...

Ўзбекистон банкларида одамлар сумкаларда пул билан навбатда турибди

Ўзбекистондаги банкларда одамлар сумкалар билан навбатда тургани айтилмоқда. Хабарингиз бор кеча, 20 августдан банклар аҳолига доллар сота бошлади. Шундан сўнг бугун ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400