Бошқа мавзуларТаълим бериш вазирлиги китобларни нашр қилишга грантли маблағ бор эканига қарамай, бюжетдан ҳам маблағ олган. Бундан ташқари муаллифларга гонорар деган баҳона билан миллионлар совирилган.
Қирғизистон Бош прокуратураси маълум қилганидек, 2017-йилнинг 1-августида Таълим бериш вазирлиги 5-синф учун (қирғиз, рус, ўзбек мактабларига) инглиз тили китобини кўпайтиришга оид тендер натижасини чиқаради. Бунинг учун Жаҳон банки 2,7 млн доллардан зиёд маблағ берганига қарамай, вазирлик давлат ғазнасидан маблағ ажратади.
Бундан ташқари нархлар бўйича мониторинг юргизмай туриб, китобларни кўпайтириб нашр қилиш учун ўта юқори баҳо асоссиз қўйилган. Китоб учун гонорар ҳам қаралган. Аслида лойиҳага асосан 3,4,5 ва 6-синфнинг инглиз тили китобини тайёрлашда муаллифларга ҳақ тўланган ва улар муаллифлик ҳуқуқини Таълим бериш вазирлигиги тўлалигича ўтказиб беришган.
Шундай қилиб, муаллифларга гонорар деб икки корхонанинг ҳисобига 1 млн 884 минг сом чегирилади. Аммо китоб муаллифлари бундан бир тийин ҳам олмаган.
Таълим бериш вазирлигининг мана шу ҳаракатларидан ғазнага 13 млн сомдан ортиқ зарар бўлган. Шунингдек ўқув қуролларни тегишли жойларга етказиш муддати кечиктирилгани боис деярли ярим миллион сомлик жарима пули ундирилган эмас.
Таълим бериш вазирлигининг маъсулиятли ҳодимларига бир неча моддалар билан жоноий иш қўзғалди. Бош прокуратура судгача суриштирув ишларини юргизмоқда.
Қирғизистонда ўтган йилнинг ноябрида 33 млн сомлик сифатсиз китоблар бўйича ҳам яна бир жоноят иши очилган эди.
Мирзоулуғбек Каримов, Қирғизистон
