Аралаш қоидалар яккакураши бўйича ўрта (-84 кг) вазн тоифасида октагонга чиқадиган ўзбекистонлик Маҳмуд Мурадов (20-6, 13 КО) 6 апрель куни навбатдаги жангини ўтказди. Бу ҳақда GoSport.uz интернет-нашри ёзмоқда.
Night of Warriors турнири доирасида ташкил этилган мазкур жангда Мурадовга испаниялик Тато Примера (7-7, 5 КО) рақиблик қилди.
Уч раундга мўлжалланган жанг биринчи раунддаёқ ўз ниҳоясига етди. Маҳмуд томонидан паст берилган ўнг қўл зарбасидан сўнг рақиб ерга қулади ва ҳакам жангни тўхтатишга қарор қилди. Натижада Мурадов ўзининг 20-ғалабасини тантана қилди.
Ушбу ғалабаси учун Маҳмуд Мурадовга WASO чемпионлик камари тақдим этилди.