Қирғизистон парламентининг депутати Ўмурбек Бакиров Россияда меҳнат қилаётган Қирғизистон фуқаролари учун ётоқхоналар қуришни таклиф қилди. Бу ҳақда депутат қирғиз парламентида маълум қилди.
“ Россияда меҳнат қилаётган қирғизистонликларнинг ташвишларидан бири вақтинчалик рўйҳатга туриш. Улар 3-4 киши бўлиб бир хонага рўйхатга туришади. Танишлари орқали вақтинчалик рўйхатдан ўтганлиги сабабли, қайси манзилдан рўйхатдан ўтганлигини билишмай қолади. Улар учун ётоқхоналар қурилса, ўша ерда яшаб, вақтинчалик рўйхатдан ўтишади ”,- деб депутат ўз таклифини билдирди.