Ўтган йилнинг мартида Бишкекда ер уйнинг ўртача нархи 63 минг доллардан ошган. Бир йилда нарх-наво 56 минг долларга тушди. Кўп қаватли уйларнинг бир квадрат метри 13%гача арзонлаб, ҳозирда 680 доллар атрофида. Бу ҳақда Қирғизистон давлатининг рўйхатга олиш хизматидан маълум қилишди.
Ушбу ойда пойтахтда қўлдан қўлга сотилган хонадонларнинг (104, 105, 308-серия) бир квадрат метри ўртача 767 долларни ташкил қилди. Бу ўтган йилга нисбатан 4,5%га қиммат.
Бир хонали квартиранинг бир квадрат метри 772 доллар, икки хонали – 730 доллар, уч хонали – 753 доллар, тўрт хонали – 807 доллар, беш хонали – 842 доллардан.
Ўш шаҳрида эса ҳусусий сектордаги уйларнинг бир квадрат метри 543 долларни ташкил қилмоқда. Мартда жанубий пойтахтда турар жойлар нархи сомда ҳам, долларда ҳам 10%нинг атрофида қимматлаган.
Март ойида Талас, Норин, Иссиқ-кўл вилоятларининг марказларида уйнинг баҳоси қимматлади. Норин билан Қоракўл шаҳарларида нарҳларнинг ўсиши унчалик юқори даражада эмас, Талас шаҳрида эса уйлар 30%га қимматлаган.
Боткенда, аксинча, уйлар 30%га арзонлаган. Жалолободда бўлса 4%гача арзонлагани кузатилган.
Мирзоулуғбек Каримов, Қирғизистон