Грузия банки Payme’нинг назорат пакетини 5,5 млн долларга сотиб олди 

Грузиянинг TBC Bank’и Ўзбекистонда Payme бренди остида фаолият юритувчи «Inspired» МЧЖнинг 51 фоиз акцияларини 5,5 млн долларга сотиб олди. Бу ҳақда банк маълумотига таяниб “Кун.уз” сайти ёзмоқда.

TBC Bank қолган 49% акцияларни эҳтимолий сотиб олиш тўғрисида битим ҳам тузди. Payme 10,8 млн долларга баҳоланди.

«Бу бизга мамлакатдаги катта мижозлар базасига дарҳол кириш ва Грузиядаги асосий рақамли афзалликларни ўзбек бозоридаги инновациялар учун қўллаш имконини беради», – деди TBC Bank раҳбари Вахтанг Буцхрикидзе.

Унинг сўзларига кўра, сервисни сотиб олиш Ўзбекистонда режалаштирилган кенгайишга қаратилган қадамдир.

Грузия банки хабарида қайд этилишича, ҳозирги менежерлар Payme’да қолади ва компания стратегиясини ишлаб чиқишни давом эттиради.

Payme Ўзбекистонда тўлов хизматлари кўрсатувчи етакчи операторлардан бири бўлиб, бугунги кунда 1,3 млн мижозга хизмат кўрсатмоқда. Грузия томони маълумотига кўра, ўтган йили Payme мижозлари сони 70 фоизга ошди, даромад ва соф фойда эса мос равишда 41,9 фоиз ҳамда 24,5 фоизга ўсди.

«2018 йил охирида Payme’нинг умумий активлари 700 минг АҚШ долларини ташкил этди. Шу билан бирга, умумий даромад ва солиқлар тўлангунига қадар фойда мос равишда 1,6 млн доллар ҳамда 800 минг доллардан ошди», – дея таъкидлаб ўтишган TBC Bank’да.

 

Бўлишинг:

Муҳаррир танлови

Ўзбекистонда банклар товуқ боқиш ва лимон етиштириш учун кредит беришни тўхтатди

Ўзбекистон президенти Шавкат Мирзиёев, бу уларга бойиб кетиш имкониятини беришини ваъда қилиб, қишлоқ хўжалиги экинларининг айнан шу турлари билан шуғулланишни маслаҳат ...

Қашшоғона ҳаётимиз тасвири бадиий асарларимизда

Кейинги пайтларда юртимизнинг бугунги қиёфаси ёрқин бўёқларда тасвирланаётган бадиий асарлар кўплаб яратилмоқда. Бундай асарларда ишсизлик, моддий етишмовчилик ва бошқа ...

Ўзбекистонда ўқувчи қизларнинг юбкаси тиззани ёпиб туриши шарт

"Ҳуқуқий ахборот" канали ўқувчиларга мактаб формасини кийишда қўйиладиган талабларни эслатди. Унга кўра, кийимларнинг ўта тор ёки ўта кенг бичимда бўлмаслиги, қизлар учун ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400