Хитойда турмуш ўртоғининг зуғумига учраётган ўнлаб ҳамюртларимиз мавжуд

Хитойда яшаётган ва эркинлиги турмуш ўртоғи томонидан чекланаётганини эълон қилган Ўзбекистон фуқароси Шодиёна Давлатова тўғрисида ОАВда пайдо бўлган материаллар юзасидан ТИВ Консуллик-ҳуқуқий департаменти маълум қиладики, мазкур вазият мамлакатимизнинг Пекин шаҳридаги Элчихонаси консуллик бўлими томонидан назоратга олинган. Бу ҳақда ТИВ маълум қилди.

Ушбу ҳамюртимиз ўтган йили апрел ойида Андижон шаҳрида Хитой фуқароси билан қонуний никоҳдан ўтган ҳамда доимий яшаш учун ХХРга учиб кетган. Тез орада ички оилавий низолар туфайли Элчихона кўмагида ватанга қайтган. Лекин кейинроқ ўз хоҳишига кўра яна турмуш ўртоғининг ёнига жўнаб кетган. 31 март куни Ш.Давлатова Элчихонага қайта мурожаат қилган ва яшаш шароитлари ва турмуш ўртоғи томонидан зулм қилинаётгани тўғрисида шикоят қилган ҳамда Ўзбекистонга қайтиш истагини маълум қилган.

Оилавий келишмовчиликлар ва турмуш ўртоғи томонидан берилган ваъдаларнинг бажарилмаслиги туфайли шундай илтимос билан Ўзбекистон фуқароси М.Т. ҳам Элчихонага мурожаат қилган. М.Т. воситачи фирма орқали хорижлик билан танишган ва ўтган йилнинг декабрь ойида никоҳни расмийлаштириб Хитойга кетган.

Шу муносабат билан Элчихона Хитойнинг тегишли ҳукумат органлари билан биргаликда мазкур ҳамюртларимизни Тошкентга қайтишига ёрдам бериш бўйича тегишли чораларни кўрмоқда.

Ўзбекистоннинг Пекин шаҳридаги Элчихонаси маълумотларига кўра айни пайтда Хитой Халқ Республикасида худди шундай ҳолатга тушган ўнлаб фуқароларимиз мавжуд. Шу муносабат билан Ўзбекистоннинг дипломатик ваколатхонаси томонидан уларнинг шахсини аниқлаш ва консуллик ёрдами кўрсатиш бўйича тегишли ишлар ташкиллаштирилган.

 

Бўлишинг:

Муҳаррир танлови

Нафақадаги аёлни автобусдан ҳайдаган ҳайдовчи ва чиптачи жазога тортилди

«Тошшаҳартрансхизмат» ташкилоти жамоат транспорти билан боғлиқ можаро акс этган видеода акс этган ҳолат бўйича расмий маълумот берди, деб ёзади «UzNews.uz» сайти. ...

Қозоғистонда йтҳ натижасида бир киши ҳалок бўлди ва ўн киши жабрланди

29 апрель куни кечқурун Қустанай вилоятининг Рудний шаҳрида рўй берган йирик ЙТҲ натижасида бир киши ҳалок бўлди ва 10 киши жароҳатланди. Маҳаллий ОАВ маълумотларига ...

Москвада яна бир  кўча супурувчиси бўлган ўзбек пичоқланди

"Москва” шаҳар янгиликлари агентлиги ҳуқуқни ҳимоя қилувчи органдаги манбасига кўра, Ўзбекистон фуқаросининг пичоқланган танаси Москванинг “Академический” туманида топилган, ...