Ўзбекистоннинг олтин-валюта захиралари камайди

Ўзбекистон олтин-валюта захиралари йил бошидан бери биринчи марта камайди, бундан Марказий банк маълумотлари дарак беряпти, деб ёзади “Кун.уз” сайти.

2019 йил 1 апрель ҳолатига кўра соф олтин-валюта захиралари ҳажми 26,9 млрд АҚШ долларини ташкил этди, ундан 14,4 млрд доллар – монетар олтин.

Март ойида бу кўрсаткич 27,4 млрд доллар, февралда 26,6 млрд доллар, январда 26,3 млрд доллар бўлган:

1 январь 1 февраль 1 март 1 апрель
26 394,1 26 600,2 27 404,8 26 996,5

Маълумот учун: олтин-валюта захираларини ҳисоблаш методикаси Халқаро валюта жамғармасининг стандартлари асосида юритилади. Олтин-валюта захираларининг таркиби хорижий валюта активлари ва қуйма шаклидаги монетар олтиндан иборат.

Олтин-валюта захираларини самарали бошқариш мақсадида Марказий банк томонидан захираларнинг ялпи ва соф қийматлари ҳисоби юритилади.

Соф олтин-валюта захиралари тижорат банклари ва давлат бошқаруви органларининг (Молия вазирлиги, Тикланиш ва тараққиёт жамғармаси бундан мустасно) Марказий банкда очилган ҳисоб варақларидаги валюта маблағларини, яъни Марказий банкнинг ушбу ташкилотлар олдидаги мажбуриятларини ҳисобга олмайди.

Бўлишинг:

Муҳаррир танлови

Ўзбекистон нега бу қадар кўп олтин сотмоқда?

World Gold Council маълумотларига кўра, 2019 йилнинг биринчи чорагида Ўзбекистон олтин савдоси бўйича дунёдаги етакчи давлатга айланди. Республика 6,2 тонна қимматбаҳо металл ...

Ўзбекистонда евро курси 10383.02 сўм доллар эса 9424.54 сўм бўлди 

Ўзбекистон Марказий банки 2019 йилнинг 24 сентябрдан хорижий валюталарнинг сўмга нисбатан қийматини белгилади. Унга кўра, 1 АҚШ доллари 9424.54 сўм этиб белгиланди. Бу эса ...

Шўртанда умумий қиймати 3,6 миллиард ақш долларлик завод қурилмоқда

Қашқадарё вилояти Ғузор туманида қурилаётган «Uzbekistan GTL» заводида «ЕВРО-5» стандартлари асосидаги 1,5 миллион тоннадан ортиқ юқори сифатли синтетик суюқ ёқилғи ишлаб ...