Марғилонда 95 ёшли аёл туғилганлик тўғрисидаги гувоҳномасини олди

Фарғона вилоятида истиқомат қилувчи 1924 йилда туғилган Мўминова Зулфияхон туғилганлик тўғрисидаги гувоҳномани 95 ёшида олди.

Фарғона вилояти Марғилон шаҳридаги сайёр давлат хизматлари кўрсатиш жараёнида 1924 йилда туғилган фуқаро Мўминова Зулфияхонни туғилганлик ҳақидаги гувоҳномаси йўқлиги аниқланди, деб хабар бермоқда давлат хизматлари маркази матбуот хизмати.

Бу ҳолатга масъул ходимлар жиддий эътибор қаратиб, шу куннинг ўзида ушбу фуқарога туғилганлик ҳақидаги гувоҳномани расмийлаштириб бериш чоралари кўрилди, дейилади хабарда.