Жорий йилнинг 22 апрелидан бошлаб GM Uzbekistan АЖ автомобилларини Қирғизистон Республикасига экспорт қила бошлади. Бу ҳақда ЎзА ёзмоқда.
Бугунги кунгача компания автомобиллари экспорти Беларус, Афғонистон ва Тожикистонга амалга оширилди. Шунингдек, Қозоғистоннинг Костанай шаҳридаги “СариаркаАвтоПром” заводида компания автомобилларини йирик узелли йиғиш йўлга қўйилди.
Компания матбуот хизмати маълум қилишича, 2019 йил GM Uzbekistan фаолиятида экспорт салоҳиятини ошириш йили деб эълон қилинган. Бугунги кунда компания мазкур йўналишдаги фаолиятини янада кенгайтириш борасида музокаралар олиб бормоқда.