Ўзбекистонда чиқиндиларни саралаб топширганлар рағбатлантирилади

Экология ва атроф-муҳитни муҳофаза қилиш давлат қўмитаси аҳолини чиқиндиларни саралашга рағбатлантириш учун Clean City лойиҳасини тайёрламоқда, дея хабар қилди «Газета.uz» нашри.

Лойиҳа 23 апрель куни маиший қаттиқ чиқиндиларни бошқариш соҳасида фаолият кўрсатаётган ташкилотлар учун ташкил этилган давра суҳбатида Экология қўмитасининг абонент хизматлари фаолиятини мувофиқлаштириш ва биллинг тизимини жорий этиш бўлими бошлиғи Даврон Абдуллаев томонидан тақдим этилди.

Мутахассиснинг сўзларига кўра, лойиҳа чиқиндиларни қайта ишлаш заводларнинг сараланган чиқиндиларни қабул қилиш пунктларини очишни кўзда тутади. Тизимни бир ой ичида ишга тушириш режалаштирилмоқда.

Қабул пунктларига сараланган чиқиндиларни топширган фуқароларга ID-карталар тақдим этилади. Ушбу карталарга топширилган ҳар бир килограмм чиқинди учун пул тўлови туширилади, маблағларни эса лойиҳа ҳамкорларининг савдо шохобчаларида сарфлаш мумкин бўлади.

Лойиҳани қаттиқ маиший чиқиндилар борасидаги кластерлар ва чиқиндиларни қайта ишлаш заводлари қўллаб-қувватлади. Улар ўртасида ўз вақтида сараланган чиқиндиларни етказиб берувчиларга нақд ёки пул ўтказиш йўли билан тўлов қилиш масаласида баҳслар мавжуд эди. Бугунги кунда чиқиндиларни саралаш билан расмий мақомга эга бўлмаган жисмоний ва юридик шахслар шуғулланмоқда. Шу сабабдан соҳада қўшилган қиймат солиғини тўлашдан қочишга имконият туғдирувчи «соядаги иқтисодиёт» катта устунликка эга эди.

Даврон Абдуллаевнинг таъкидлашича, тизим чиқиндиларни саралаб қабул қилувчи ва уларни қайта ишловчилар ўртасидаги оралиқни олиб ташлашга имкон беради. Лойиҳа ҳар бир тур бўйича йиғилган чиқиндилар миқдори ва қаттиқ маиший чиқиндиларни қабул пунктларига топширган жисоний шахслар даромадлари бўйича шаффоф ҳисоб-китоб юритилишига имкон туғдиради.

 

Бўлишинг:

Муҳаррир танлови

Тасс: россия ўзбекистонга 12 та ми-35 зарбдор вертолётини етказиб беради

Ўзбекистон Мудофаа вазирлиги ва «Рособоронэкспорт» Ми-35 русумидаги 12та жанговор вертолёт етказиб бериш борасидаги шартномани имзолади. Бу ҳақда “Россия ва Ўзбекистон: ...

Йўловчилар учун коронавирусга тест топшириш нархи маълум қилинди

Поезд ёки самолёт орқали ҳаракатланишни хоҳлаганларда 120 соатдан, яъни 5 кундан кўп бўлмаган муддат оралиғида коронавирусга тест топширгани ва натижа манфийлигини – вирус ...

Назарбоев хавфсизлик кенгашига умрбод раислик қилиш ҳуқуқини олиши мумкин

Қозоғистон парламентига ҚРнинг биринчи ва ҳозирча ягона президенти бўлмиш Назарбоевга умрбод Хавфсизлик кенгашига раҳбарлик қилиш ҳуқуқини берувчи қонун лойиҳаси келиб тушди. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400