Бошқа мавзулар26-апрелда “ Умуммиллий социал-демократик партияси” (УСДП) қурултойга йиғилиб, 9-июнда бўлиб ўтадиган президентлик сайловига байкот эълон қилди.
Хафта бошида Қозоғистонда муддатидан аввал ўтадиган президентлик сайловга ушбу партиянинг номидан иштирок этиш ниятини билдирган журналист Ермурат Бапи ўз номзодлигини олиб ташлади.
У 26-апрелда партиянинг Олмаотадаги съездида делегатларнинг кўпчилиги олдида сайловга байкот эълон қилишини маълум қилган.
Ўзини мухолифат санаган “ Умуммиллий социал-демократик партияси” 2016-йилдаги парламент сайловида етти фоизлик чекловдан ўта олмаган эди. Партия 1,18 фоиз овоз билан бешинчи ўринни олган.
УСДП – Қозоғистонда расман рўйхатдан ўтган етти партиянинг бири. Қозоғистон қонунларига биноан, номзодликка ўзини-ўзи қўйиш таъқиқланган, номзодларни республикадаги жамоавий ташкилотлар ва сиёсий партияларнинг таклифига биноан қўя олади. Номзодларни кўрсатиш жарёни 10-апрелда бошланган, 28-апрелда ниҳосига етади. Номзодларни рўйхатга олиш 11-майгача давом этади.
