«Гранд» радиоси Гулнора Каримованинг эри Рустам Мадумаровга тегишли эканлигини рад этмоқда

«Гранд» радиостанцияси Гулнора Каримованинг эри Рустам Мадумаровга тегишли эканлиги ҳақидаги маълумотларни рад этди, деб ёзади “Дарё” нашри.

«20 йиллик фаолиятимиздан сўнг МИБ вакиллари эшигимизни тақиллатиб, раҳбаримиз ва таъсисчимиз Светлана Хонга радиостанция унга тегишли эмаслигини маълум қилмоқда. Гарчи унинг 2002 йилдан бери эгалик ҳуқуқини тасдиқловчи барча ҳужжатлар бўлса ҳам. Биз мурожаат қилган ҳеч бир идора бу вазиятга аниқлик киритишга ҳаракат қилмаяпти. Мадумаров деган шахснинг ташкилотимизга алоқаси борлигини далилловчи бирон бир ҳужжат тақдим этилмади, чунки бу иш ‘Maxфий’ тамғаси остида экан», — дейилади радиостанциянинг Facebook’даги саҳифасида жойлаштирилган мурожаатда.

«Гранд» вакилларига кўра, радиони давлат фойдасига олиш бўйича қарор чиқарилган суд мажлиси ҳам бўлиб ўтган, бироқ унга ташкилотдан ҳеч ким таклиф этилмаган. Шунингдек, радио 8 май куни бўлиб ўтадиган аукционга қўйилган ва бошланғич нархи деряли икки баробар арзонлаган.

«Ҳаммаси кимдир радиони қанча суммага харид қилишни ҳал қилиб бўлгани ва энди фақат 8 май санаси келишини кутаётгандек таассурот қолмоқда», — таъкидланади мурожаатда.

 

Бўлишинг:

Муҳаррир танлови

Ўзбекистонлик йигит россиядаги боғларнинг бирида ўзини осиб қўйди

2019 йил 20 феврал куни Ленинград вилоятидаги Лужский туман полициячиларига Мшинский массивидаги боғлардан бирида бир йигит мурдаси осилиб тургани ҳақида хабар беришди. ...

Танқид  устуворми, ё таҳлил?

        Кейинги пайтларда интернет тармоқларидаги узатилаётган ахборот кўламини кузатиб ҳайратим ортади. Пролетариатнинг “доҳий”си Владимр Ильич таъбири билан айтилган ...

Ижтимоий тармоқ: нотариуслар фаолияти ҳақида бир оғиз ижобий фикр айтилмади

Эрталабдан телевизорда «Республикада нотариал тизим фаолияти, ютуқ ва камчиликлари» ҳақида кўрсатув берилди. Бирор киши: на залдагилар, на жойларда интервью олинган кишилар, ...