Тилимиз учун кураш

Яна тилимиз учун кураш майдонига чиқишга тўғри келади шу ўриспарастлар туфайлидан ва улар миллатни бўлинишига,  алғов-далғовга сабаб бўладилар. Улар она тилининг жозибасини билмай ўлиб кетади,  шубҳасиз.

Ким ўзбек тилида сўзласа ва гапирса,  гапиришда давом этади, зеро бу халқни шунча бир ярим аср мобайнида ўрислаштира олмаганлар.

Руспарастларни ҳам тузатиб бўлмайди. Сут билан кирган,  жон билан чиқади.

Бу бир бемаврид ва атай бошланган ташаббусдир. Донецқдаги, Қримдаги ишғоллар шу тахлит бошланганини бир лаҳза бўлсада, унутмаслик керак.

Бу ташаббус хайрли эмас ва ҳатто рус тилининг ўзининг аҳволига ҳам ёрдам бермайди.  Фақат кимнинг ким эканлигини кўрсатади.  Ҳар икки томондагиларни ҳам яққоллаштиради. Ва, табиийки, энг даҳшатли одамлар сукут сақлаб, пойлаб ўтирганлардир.

Улар давлат раҳбарини ҳам ноқулай аҳволга қўядилар. Эртага Президент  бу ташаббус томонда бўлса, абадул абад халқнинг қарғишига қолади. Агар ташаббусга қарши турса, халқ севгисини қозонади, аммо улуғ оғасидан хавотир остида қолади. Биз ундаги жасорат кучлими ёки босим ортидаги қўрқув  кучлими – билмаймиз, ишончимиз комил эмас.

Кўрамиз…

Газ, металл ва қимматбаҳо заҳира конларимизга ўрис компаниялари бошқарувига ўтганлиги, осмонимиз бошқа давлат учоқларига очилгани ортидан бу ишларнинг бошланиши хавотирлидир ва истиқболимиз ҳақида ўйлантиради.

Ҳар ҳолда ётган илоннинг бошини катта оғанинг  қулоқларига шивирлаши туфайли кўтарганлар яхши иш бошламади. Мен Москвада ўқиганман, рус адабиётини ҳам севаман. Мен Пушкинни севаман, Путинни эмас.

Она тилини, адабиётини ва тарихини билган ҳолда инглиз тили,  форс тили, хитой тили баробарида рус тилини ҳам ўрганади ва ўрганмоқда миллат фарзандлари. Буни ҳатто ўрислар ва ўриспарастлар ўлдирган ва қатағон қилган жадидларимиз, Беҳбудийлар ҳам истаганлар.

Майли, бу ҳам миллат учун ҳам, унинг раҳбарияти учун ҳам синов  кунидир.


Карим Баҳриев

Бўлишинг:

Муҳаррир танлови

Болаларнинг неча ёшидан қорбобога ишонмай қўйиши ўрганилди

Англиянинг “Exeter” университети олимлари Қорбобо билан боғлиқ ижтимоий масалаларни тадқиқ қилишмоқда. Университетнинг психология бўйича профессори Крис Бойл (Chris Boyle) ...

Жасур акромов ва нуриймон абулҳасан ишдан олинди

Вазирлар Маҳкамаси ҳузуридаги Дин ишлари бўйича қўмита раҳбарияти ишдан кетди. Бу ҳақда Kun.uz ахборот манбаси хабар бермоқда.   Қайд этилишича, қўмита раиси Жасур ...

Ўз қизини номусига теккан ота умрбодга қамалди

Жиноят ишлари бўйича Душанбе шаҳар суди қизининг номусига бир неча марта теккан фуқарони умрбод қамоқ жазосига маҳкум қилди. Бу ҳақда суд матбуот хизмати маълумотига таяниб ...