Рус тилини расмийлаштиришга қарши митингга чиққан талабалар Яккасарой туман ИИБ ходимлари томонидан тазйиққа учрагани айтилмоқда.
Zed News маълумотларига кўра, давлат тилини ёқлаб уюштирилган кичик намойишдан кейин ИИБ ходимлари келиб, қатнашчиларнинг бир нечтасини олиб кетган. Бир муддат мелисахонада ушлаб туришган.
Уларнинг иддаосича, Тошкентда рухсатсиз оммавий тадбир қилиш мумкин эмас экан. Ҳолбуки, Тошкент давлат тил ва адабиёт университети ректори пойтахт ҳокимидан рухсат олгани айтилганди.
6 май куни Тошкент давлат тил ва адабиёт университети ёнида бир гуруҳ талабалар намойиш уюштиришганди.
Айтганча, 9 май куни бир гуруҳ кўнгиллилар Тошкентда “Ўлмас полк” акциясини ўтказишади. Қизиқ, ИИБ ходимлари уларниям сўроқ қилармикан?..