Фарғонада бир киши 15,3 минг долларга “кўршапалак уяси” сотиб олибди (соддалик қурсин, соддалик…)

Фарғонада кўршапалак уясини саратон касалига даво деб, 15 300 долларга сотиб, фирибгарлик қилган шахсга суд ҳукми билан 6 йил 6 ой муддатга озодликдан маҳрум қилиш жазоси тайинланди, дея хабар бермоқда ЎзА.

Қўқонлик О.Солиев (исм фамилияси ўзгартирилган) фирибгарлик жиноятлари учун олти марта судланиб, озодликдан маҳрум қилиниб, жазони ўтаган бўлса-да, тегишли хулоса чиқармаган — яна фирибгарликка қўл урди. У интернет орқали кўршапалак уяси саратон касалига шифо бўлиши ҳақидаги хабарларни ўқиб, сохта уя ясаб, сотишни ўйлаб қолган ва, ЎзАнинг ёзишича, бунинг уддасидан чиққан.

У 2018 йилнинг октябрь ойи ўрталарида Учкўприк тумани Ёйилма қишлоғида жабрланувчи Б.Маҳкамов билан учрашиб, унга Наманган вилояти Поп туманидаги тоғли ҳудудларда «кўршапалак уяси» борлигини, у саратон касаллигига шифо бўлишлигини, агар истаса «кўршапалак уяси»ни 23 300 долларга сотишини айтиб, уни алдайди.

Ишончга кириш мақсадида ўзи ясаган ноксимон жисмни «кўршапалак уяси» эканлигини, унга тилла буюмлар ёпишиши, саримсоқ пиёздан қочиши ҳақида тайёрланган ёлғон видеороликни кўрсатган. «Кўршапалак уяси»ни беш литрлик елим идишга, атрофини ялтироқ қоғоз ва пахта билан ўраб олиб келиб, Б.Маҳкамовга ушбу модда очилса, бир сутка давомида таркиби бузилиб, уя ичидаги «амруғ» моддаси хусусиятини йўқотишини айтади.

Сохта «кўршапалак уяси»ни 15 300 (125 583 012 сўм) қийматдаги жуда кўп миқдордаги пулга сотиб, фирибгарлик йўли билан қўлга киритилган пулларни шахсий эҳтиёжлари учун сарфлаб юборган.

Терговга қадар текширув даврида О.Солиевдан «кўршапалак уяси» далилий ашё тариқасида олинган. Суд экспертиза хулосасига кўра, «кўршапалак уяси» қўнғир рангли, қаттиқ инга ўхшаган ноксимон жисмни устки қавати цементдан, ўрта қавати оҳак моддасидан, остки қавати тупроқдан иборат бўлиб, цемент, оҳак ва тупроқ қурилиш материаллари туркумига кириши аниқланган.

Кўршапалак уяси ҳақидаги гапларга ишонманг — бу бор-йўғи молиявий пирамида.

Манба:daryo_live

Бўлишинг:

Муҳаррир танлови

Ўзбекистон сингапурчалик бўлолмайдими?

Ўзбекистонда ҳалигача газ ва чироқ муаммоси бор, кўчаларимиз сувга тўлган ёки чиқиндихонага айланган. Бир пайтлар Сингапур шундай хароб аҳволда эди. Аммо ҳозир у дунёнинг энг ...

Шодиевнинг лондондаги қизи қандай бизнес юритади?

Ўзбекистонлик миллиардер Фаттоҳ Шодиевнинг қизи ўзининг янги бизнес ғояси билан британ матбуоти назарига тушди. (more…)

Ёшларга муваффақиятли кишилардан ноодатий маслаҳатлар

Лайфхакер ўз ишининг ҳақиқий усталари томонидан берилган ноодатий маслаҳатлар билан бўлишди. (more…)


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400