Тожикистондаги қамоқхонада ғалаён, 29 нафар маҳбус ҳалок бўлди

19 май, якшанба куни кечқурун Душанбе шаҳридан 15 километр жануби-шарқда жойлашган Вахдат шаҳридаги қаттиқ режимдаги колонияда юз берган ғалаён оқибатида уч нафар қўриқчи ва 29 нафар маҳбус ўлдирилди. Бу ҳақда Тожикистон адлия вазири ўринбосари, Жазони ижро этиш бош бошқармаси бошлиғи Мансуржон Умаров РИА Новости’га хабар қилган.

«Ғалаён давомида колониянинг уч нафар назоратчиси ва 29 нафар маҳбус ўлдирилди. Шу билан бирга, уларнинг саккиз нафари маҳбусларнинг ўзи томонидан ўлдирилган», – деди у.

Тожикистон Адлия вазирлиги хабар беришича, 19 май куни соат 20:30да Вахдат шаҳридаги 3-сонли қаттиқ тартибли колония – «Ғишт зонаси»да маҳбуслар томонидан ғалаён келтириб чиқарилган.

«Адлия вазирлигининг Жиноий жазоларни ижро этиш бош бошқармасига қарашли, Вахдат шаҳридаги 3/2-сонли ахлоқ тузатиш колониясида бўлган ИШИД террорчилик ташкилотининг 30 нафар ўта хавфли тарафдори пичоқ ва тиғли буюмлар билан қуролланиб колония 3 нафар ходимини гаровга олишди ва ўлдиришди. Улар қамоқхонадан қочишга уринишган», – дейилади матбуот учун хабарномада.

Бу колония Тожикистон Адлия вазирлигининг Жазони ижро этиш бош бошқармаси тасарруфига киради, унда қарийб 1500 маҳбус сақланади.

 

Бўлишинг:

Муҳаррир танлови

Қишлоқ одамларида қўл теримидан воз кечишга умид уйғонмоқда

Сирдарё вилоятининг Оқолтин туманида замонавий пахта териш машиналари синовдан ўтказилаётган экан. Буни эшитган қишлоқ одамларида энди қўл теримидан воз кечарканмиз, деган ...

Ангренда аёл сартарош 20 ёшли танишини уриб ўлдириб қўйди

25 октябрь куни Ангрен шаҳар 5/5 даҳасида жойлашган сартарошхонада ишловчи Гули исмли 1994 йилда туғилган аёл Зоҳид исмли танишини ўлдириб қўйди. Бу ҳақда Бош прокуратура ...

Андижон вилоятида 10-синф ўқувчиси ўзини осиб қўйди

Андижон вилояти Булоқбоши туманидаги 24-мактабнинг 10-синф ўқувчиси С.Н. яшаш хонадонининг томида ўзини осиб қўйган. Бу ҳақда «Дарё» нашри хабар берди. Фото:gagauzyeri.md ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400