Тадбиркорларни қандай муаммолар қийнамоқда?

Айтишларича, Республика ишчи гуруҳи томонидан жойларда ўтказилаётган тадбиркорлар билан учрашувларда энг кўп мурожаат ер ва кредит олиш билан боғлиқ бўлмоқда. Ҳатто, бўш турган, ҳеч кимнинг балансида бўлмаган бинони қайта таъмирлаб, ишга туширган тадбиркорлар эндиликда уни ўз номига ўтказолмай сарсон. Отанга бор, онанга бор қабилидаги муносабат туфайли оддий масалалар ҳам йиллар мобайнида ҳал бўлмаётган экан.

«Туманимиз захирасидаги ердан олиш учун кирмаган эшигим қолмади. Лекин мен иссиқхона қурмоқчи бўлган ўша ер бошқа бировларга бир ҳафтага қолмай бериб юборилди», дейди сурхондарёлик бир ёш тадбиркор.

Аксарият тадбиркорларнинг гапларига қараганда, бизнесни бошлаш учун ер олиш тилла танга топиб олиш билан баробар. Шунинг учун улар Бош вазирнинг қабулхонасидан кўп нарсаларни кутмоқда.

Кредит масаласи ҳам энг оғриқли нуқтага айланган. Айниқса, имтиёзли кредитларга етиб бориш йўллари ўта мураккаблаштириб юборилганмиш.

«Ё зўри, ё зари борлар олишмоқда кам фоизли кредитларни. Ишонасизми, оилавий бизнес учун саккиз ой деганда кредит олдим», дейди қашқадарёлик бир опахон.

Афтидан, одамларни бизнесга жалб қилиш бўйича саъй-ҳаракатлар ҳали чекка ҳудудларга етиб бормаяпти. Кўп жойларда ҳамон эски ҳаммом, эски тос.


Манба:Холис фикр

Бўлишинг:

Муҳаррир танлови

Россия ва ўзбекистон ўртасида товар айланмаси 31 %га пасайди

Жорий йилнинг икки ойида Россиянинг Марказий Осиё мамлакатлари билан товар айланмаси пасайгани қайд этилди. Россия Федерал божхона хизмати маълумотига кўра, 2015 йилнинг ...

Қирғизистон бош вазири 2017-йилда 2 миллион сом ишлаб топган

Қирғизистон бош вазири Мухаммедқалий Абилғазиев 2017-йилдаги даромади 2.367986 сомни ташкил қилмоқда. Бу ҳақида унинг декларациясида кўрсатилганини Қирғизистондаги ОАВлари ...

Миллиардга олиб борувчи ғоялар

Сўнгги пайтларда стартап сўзи қулоғимизга тез-тез чалинмоқда. Стартап ёки стартап компания инглизча сўз бўлиб, йўлга қўймоқ, ишга туширмоқ деган маъноларни англатади. Одатда ...