Профессионал бокснинг супер ярим ўрта (-69,85 кг) вазн тоифасида рингга чиқаётган ўзбекистонлик Исроил Мадримов (3-0, 3 КО) ўзининг навбатдаги жангида ҳам муддатидан олдин ғалабага эришди. Бу ҳақда “GoSport” хабар қилмоқда.
Нью-Йоркдаги Madison Square Garden аренасида бўлиб ўтган жаннда Мадримовга мексикалик Норберто Гонсалес рақиблик қилди. 10 раундга мўлжалланган рейтинг жангда Исроил Мадримов тўлиқ устунлик қилди. 6 раундга келиб Исроил томонидан берилган кетма-кет зарбалардан сўнг ҳакам жангни тўхтатишга қарор қилди ва техник нокаут қайд этди.
Ушбу ғалаба Исроилнинг учинчи нокаут эвазига қозонилган ғалабаси бўлди.