Марғилондаги ёнғин оқибатида 1000га яқин одамнинг тирикчилиги, моли ёниб кул бўлди

8 июндан 9 июнга ўтар кечаси соат 02:10 ларда Марғилон шаҳар, Пичоқчи МФЙ, Хиёбон кўчаси, 174А-уйда жойлашган «Марғилон умумий улгуржи савдо» МЧЖга қарашли улгуржи ва чакана товарлар сотишга ихтисослаштирилган 3-сонли савдо павильонида ёнғин содир бўлди.

“Кун.уз” нашрининг Ёнғин хавфсизлиги хизматига асосланиб маълум қилишича, Марғилондаги бозорда юз берган ёнғинда ҳалок бўлган ва жароҳатланганлар йўқ.

2019 йил 9 июнь куни тунги соат 02.05да Марғилон шаҳар ЁХБ диспетчерлик хизматига шаҳарнинг Пичоқчи маҳаласида жойлашган «Марғилон умумий улгуржи савдо комплекси» МЧЖда ёнғин содир бўлаётгани ҳақида хабар келиб тушган.

Хабар асосида биринчи бўлинмалар соат 02.10да воқеа жойига етиб борганида савдо комплексининг кенг майдонда қурилиш конструкциялари ва савдо дўконларининг том қисмидан қуюқ тутун аралаш аланга чиқиб ёнаётгани маълум бўлган. Кўрилган тезкор ҳаракатлар натижасида ёнғин соат 04.20да қуршаб олиниб, 05.40да батамом ўчирилган.

Ёнғинни ўчиришга жами 19та асосий ва 3та махсус ёнғин ўчириш автомобиллари жалб этилган. Тан жароҳати олганлар ва ҳалок бўлганлар йўқ.

Ҳодиса оқибатида савдо комплекси биносининг (тим) тахминан 1575 квадрат метр майдонидаги қурилиш конструкциялари ва тадбиркорларга тегишли бўлган савдо расталар, тез ёнувчи материалларидан (тахта-ёғоч, DVП, пластик ва бошқа) қурилган савдо дўконлар ва улар ичида сақланган озиқ-овқат маҳсулотлари ёниб, зарарланган. Амалга оширилган тезкор ҳаракатлар натижасида савдо комплексининг 8.865 кв.м майдони сақлаб қолинишига эришилган.

Ёнғиннинг келиб чиқиш сабаби ва етказилган моддий зарар аниқланмоқда.

Telegram’даги «Фарғоналиклар» каналида айтилишича, бозор собиқ трактор таъмирлаш заводи ҳудудида жойлашган. 2013 йилда Марғилонда собиқ тўқимачилик комбинати ўрнига жойлаштирилган «Комбинат бозори» ҳудудида ҳам ёнғин чиққан эди.

Сўнгги ёнғин оқибатида 1000га яқин одамнинг тирикчилиги, моли ёниб кул бўлган.

«Бу бозор собиқ трактор ремонти заводи биноларида жойлашган бўлиб, ҳеч бир бино махсус бозор учун қурилмаган. Трактор заводининг ҳамма ускуналари кесилиб, сотилиб, ўрнига бошқа ёнган комбинат бозоридан кўчириб келинган. Комбинат бозори ҳам худди шундай собиқ ип йиғирув комбинати биносида жойлашган эди. У ерда озиқ-овқат савдосини йўқотамиз деб, халқ қаршилигига учраб, кўчира олишмаган эди. Тасодифми ёки бу атайлаб қилинган, аммо савдогарлар кўчишни рад этгач, ўша комбинат бозори ёниб кетган эди. Президент келишидан аввал ТРЗ бозор ҳам ичкарироққа йўл бўйидан кўчирилади, унинг ўрнига кўп қавватли уй тушади, деган миш-мишлар болалаганди.

Бозорлар Марғилонда жуда кўп ёнади, хусусан, комбинат бозори 3 марта, СУМ 2 марта ёнган. Ҳамма ёнғинлар кўчиш кераклиги ҳақидаги миш-мишлардан сўнг юзага келади», — дейилади каналда қолдирилган изоҳда.

Маълумотларга кўра, павильонда тунги навбатчиликда қолган шахс соат 02:00 ларда 3-сонли савдо павильони том қисмидаги электр симида қисқа туташув бўлиб, кучли чақнаш юз бергани ва натижада ёнғин келиб чиққанини кўриб, бинони электр тармоғидан узиб, бу ҳақда дарҳол Марғилон шаҳар ёнғин қутқарув қисмига хабар берган.

Мазкур ҳолат юзасидан Марғилон шаҳар ИИБ ҳузуридаги Тергов бўлими томонидан Жиноят кодексининг 259-моддаси 2-қисми «б» банди билан жиноят иши қўзғатилиб, тергов ҳаракатлари олиб борилмоқда.

Тергов вилоят прокуратураси томонидан назоратга олинган.

Бўлишинг:

Муҳаррир танлови

Ҳиндистонликлар ўзбекистонда фильм ва клиплар олади

"Ўзбеккино" агентлиги Ҳиндистоннинг "3rd Rock multimedia" продюсерлик компанияси ўз клипларини Ўзбекистонда суратга олиши ҳақида хабар қилди. (more…)

Юлий юсупов чегара ҳақида: шафқатсиз аттракцион ва «гўштқиймалагич»  

Черняевка яқинидаги чегара пункти орқали Тошкентга қайтиб келдим. Жуда шармандали ҳолат, деб ёзади иқтисодчи Юлий Юсупов Facebook’даги саҳифасида.  Юлий Юсупов «Чегарадан ...

Қарши шаҳрида  21 дона дарахтни кесиб, нобуд қилганларга жиноят иши қўзғатилди

Департаментнинг Қарши шаҳар бўлими томонидан ўтказилган терговга қадар текширувда, “Насаф” кўчаси йўл ёқасидаги дарахтларни кесиб ташлаган фуқаролар қўлга олинди. Улар 21 ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400