Чехияда Ўзбекистон фуқароси қурилиш майдонида темир плитанинг қулаши натижасида ҳалок бўлди

Чехияда 8 июнь куни қурилиш майдонида темир плитанинг қулаши оқибатида Ўзбекистон фуқароси 1964 йилда туғилган Алижон Уражбеков вафот этди. Бу ҳақда Ўзбекистоннинг Берлин шаҳридаги элчихонаси берган маълумотга таяниб Ташқи ишлар вазирлиги матбуот хизмати хабар берди. Хабарда айтилишича, мазкур факт консуллик-ҳуқуқий масалаларини жойида ҳал қилиш учун Чехияга борган элчихона ходимига полиция томонидан тасдиқланди.

Тергов ишлари билан Чехия криминал полицияси шуғулланмоқда.

“Айни пайтда Прага шаҳридаги дафн қилиш агентлиги билан биргаликда марҳум ҳамюртимизнинг жасадини Ўзбекистонга юборишга тайёргарлик амалга оширилмоқда”, дейилади ТИВ хабарида.

Консуллик-ҳуқуқий департаменти марҳумнинг оила аъзолари ва яқинларига таъзия билдиради ва Германия, Швеция, Швейцария ва Чехия ҳудудида жойлашган фуқароларимиз зарур вазиятларда Ўзбекистоннинг Берлин шаҳридаги элчихонасига +49-30-3940980 телефон рақами орқали мурожаат қилишлари мумкинлигини эслатиб ўтади.

Бўлишинг:

Муҳаррир танлови

Ҳиндистонда автобус иштирокидаги автоҳалокатда 13 киши ҳалок бўлди

Ҳиндистоннинг Махараштра штатида автобус ва контейнеровоз иштирокида ЙТҲда 13 киши ҳалок бўлди. Бу ҳақда  «ТАСС» хабарига таяниб "Дарё" ёзмоқда. Қайд этилишича,  транспортлар ...

Шимолий тожикистон раҳбари алмашди

Шимолий Тожикистонни қамраб олган Суғд вилояти (Ленинобод области) раиси Абдураҳмон Қодирий ўз вазифасидан озод этилиб, унинг ўрнига вилоят раиси вазифасини бажарувчи этиб ...

Марказий осиёдан ақшга бориш истагида бўлганлар ичида ўзбекистон биринчи ўринда

Конгресс қарори билан жорий этилган "Турли миллатларга мансуб иммигрантлар виза дастури –DV" ҳар йили АҚШ Давлат Департаменти томонидан бошқарилади. Тарихан иммиграция ...