Ўзбекистон Олий суди судьяси Акмал Муродовнинг ёзишича, яқинда Олий суд томонидан олиб борилган тарғибот ишлари жараёнида Ўзбекистондаги етим болалар ва ота-онасининг қаровисиз қолган болалар учун давлат тарбия муассасалари — Меҳрибонлик уйлари тарбияланувчиларнинг 80 фоизидан ортиғининг ота-онаси борлиги аён бўлган.
«Мисол учун, Қашқадарё вилояти Қамаши туманида жойлашган 4-сонли Меҳрибонлик уйидаги 108 нафар тарбияланувчининг фақат 15 нафаригина чин етим экан. Қолган 84 нафар боланинг ота-онаси, 9 нафарининг эса бобо-бувилари ҳам борлиги аниқланди», — деб ёзади судья.