Бугун, 20 июнь куни Тошкентда Олий Мажлис Қонунчилик палатасининг навбатдаги ялпи мажлиси бўлиб ўтди. Депутатлар қатор ташкилий масалаларни кўриб чиқишди.
Хусусан, депутатлар Боситхонова Элмира Иркиновнани Бош вазир ўринбосари – Ўзбекистон хотин-қизлар қўмитаси раиси лавозимига маъқуллашди. Бу ҳақда «Юксалиш» умуммиллий ҳаракатининг Telegram каналида хабар берилди.
Эслатиб ўтамиз, Элмира Боситхонова 2011-2016 йилларда Бош вазир ўринбосари – Ўзбекистон хотин-қизлар қўмитаси раиси лавозимида ишлаган. 2016 йилнинг 12 декабридан буён Соғлиқни сақлаш вазири ўринбосари лавозимида фаолият юритиб келмоқда.
Айни вақтда Ўзбекистон хотин-қизлар қўмитасига Танзила Норбоева раислик қилмоқда.