Бошқа мавзулар
Россия президенти Владимир Путин Тожикистондан келганлар Россияда ишлаш учун бир эмас, уч йилга рухсатнома олиши ҳақидаги қонунни имзолади. Бу ҳақда, Кремль матбуот хизматига асосланиб, “РИА Новости” ахборот агентлиги хабар бермоқда.
Россиянинг амалдаги қонунчилигига асосан, визасиз режим жорий этилган мамлакатдан Россияга келган хорижлик фуқаронинг ушбу мамлакатда ишлаши учун бир йилдан ортиқ рухсат берилмайди.
Аввалроқ, Россия сенати (Федерация кенгаши) тожикистонликларнинг бир эмас, уч йилга рухсат олишини кўзда тутувчи, меҳнат фаолияти тўғрисидаги Россия-Тожикистон ҳукуматлараро шартномага тузатишлар киритиш тўғрисидаги баённома (протокол)ни ратификация қилганди.
