Риштон халқи 750 йиллик дарахтларни тарихий мерос сифатида сақлаб қолишмоқчи

Ўтган ҳафта Фарғона вилояти, Риштон тумани марказидаги 50-80 йиллик забардаст чинорлар кесилаётгани ҳақида хабарлар тарқалган эди.

Катта йўлни кенгайтириш мақсадида дея йўқ қилинаётган дарахтларни кесилишига аҳоли қандай норозилик билдиришни билмади. Сўнг, журналистлар ёрдамга келиб, чинорларни кесилишини қонуний ёки ноқонуний эканлигини аниқлашга ҳаракат қилишди.

Асли водий шаҳарлари қадимдан сердарахт ва соя-салқинлиги билан машҳур. Бироқ кейинги йилларда вилоятлар ва туман марказларидаги чинорлар аёвсиз кесилаётгани ғоят ачинарли ҳолат.

Риштон халқи ҳунарманд ва ижодкор эканлигини жуда яхши биламиз.

Кеча уйи бузилаётган лекин, айни пайтда кўчиб боргани жойи йўқ бўлган оиланинг ҳокимият вакиллари кечаси келиб бузиб юбормаслиги учун ўз уйи деворига, “Бу ерда одам яшайди”, дея битик ёзгани ҳақида “Кун.уз” нашри ёзган эди.

 Риштонликлар чинорларни аёвсиз кесилганидан юрак олдириб, етти юз йилдан зиёд яшаб келаётган тут дарахтларни асраб қолиш учун уларнинг танасига “Қўқон кандаги”. 1340 йилда экилган. Дарахт тарихий ёдгорлик сифатида давлат муҳофазасида”, деган эълонларни илиб қўйишмоқда. 

Ўйлаймизки, 750 йиллик дарахтлар тарихий мерос сифатида кесилмай қолади. Аҳоли мазкур эълонлар ҳокимият мутасаддиларига ўз таъсирини ўтказади, деган умидда.

 Эҳ, риштонликлар… Чинорларга ҳам эълон илиб чиқиш керак эди.

 

Манба: “Кун.уз” нашри

Бўлишинг:

Муҳаррир танлови

Вақт ҳамда пулнинг қадрига етадиганлар учун: янги онлайн-бозор «abad.uz»ни кутиб олинг

Бутун ёз фасли давомида Тошкент кўчаларига илиб чиқилган турфа рангли баннерлар ва турли ўлчамдаги плакатлар пойтахт аҳолисига биргина сирли сўз — аbad’ни тақдим этди, унинг ...

Ақшнинг қуддус ҳақидаги қароридан кейин исроилдаги тартибсизликлар: 30 дан ортиқ яраланганлар бор

Қуддусда АҚШнинг бу шаҳарни Исроилнинг пойтахти деб тан олиш ҳақидаги қарорига нисбатан фаластинликлар қаршилик сифатида ўтказаётган намойишларда тартибсизликлар бошланди. ...

Жамшид каримов: ислом каримов вафотини беш ойгача сир сақлашди (интервью, 4-қисм)

Ислом Каримовнинг жияни Жамшид Каримов билан суҳбат (4-қисм) Бугунги сонда: Собиқ мулозим: “Каримовнинг оғзига ёғоч қошиқ солинарди”; “Онам ўғри эмас”; “Ислом лотареяга ...