Қозоғистон вазирлар маҳкамаси бош вазир Серик Аҳметов бошчилигида истеъфо берди. Бу ҳақда Reuters ахборот агентлиги хабар бермоқда.
55 ёшли Аҳметовнинг сўзларига кўра, бу ҳақдаги тегишли қарор Қозоғистон раҳбари Нурсултон Назарбоев томонидан қабул қилинган.
Хабарда қайд этилишича, Қозоғистон қонунчилиги бўйича бош вазирнинг истеъфога чиқарилиши бутун вазирлар маҳкамасининг алмаштирилишини билдиради.
Вазирлар уларнинг ўрнига янги вазирлар тайинлангунича ўз фаолиятларини вақтинчалик бажарувчи сифатида давом эттиришади.