Самандар Қўқонов судда айбсиз эканини айтди

“Сиёсий маҳбус” номи билан танилган собиқ халқ депутати Самандар Қўқонов 24 йил умрини қамоқда ўтказган.

1945 йилда Сирдарё вилоятида туғилган С.Қўқонов Ўзбекистон Республикаси собиқ халқ депутати бўлган, “Таштранснефтмаҳсулот“ корхонаси директори бўлиб ишлаган.

1994 йил 23 августда Ўзбекистон Республикаси Жиноят кодексининг бир қатор моддалари бўйича (1959 йилдаги таҳрири) жиноят содир этгани учун 20 йилга озодликдан маҳрум этилган.

С.Қўқонов 2016 йилда озодликка чиқарилган эди.

2019 йил 22 апрелда С.Қўқонов Ўзбекистон Республикаси Олий судига оқлов (реабилитация) талаб қиладиган кассация шикояти билан мурожаат қилган.

Ўзбекистон Республикаси Олий судининг жиноят ишлари бўйича судлов ҳайъати кассация инстанцияси ушбу жиноят ишини 2019 йил 12 июнда кўриб чиқишга киришди.

Жорий йил 10 июль куни ушбу суд жараёни якунига етди. Яъни сўнгги суд мажлиси бўлиб ўтди.

Ўзбекистон Республикаси Олий суди Жиноят ишлари бўйича судлов ҳайъатининг ажрими билан Ўзбекистон Республикаси Олий суди Жиноят ишлари бўйича судлов ҳайъатининг 1994 йил 23 августдаги ҳукми ўзгартирилди.

Ушбу ажримга кўра С. Қўқоновнинг айбловидан бир неча моддалар чиқарилди, бошқа моддалар билан тайинланган жазолар ўзгаришсиз қолдирилди, қолган моддалар Ўзбекистон Республикаси Жиноят кодексига (1994 йил таҳрирдаги) мувофиқ қайта квалификация қилинди. С.Қўқоновга 20 йил озодликдан маҳрум қилиш жазоси тайинланди. С. Қўқонов жазони тўлиқ ўтагани инобатга олинди.

Ҳукмнинг қолган қисми ўзгаришсиз қолдирилди.

С.Қўқоновга судда сўнгги сўз берилганида у “мутлақо айбсизман”, деб айтди.

Унга суд ҳукмидан норози бўлган тақдирда назорат тартибида шикоят қилиш ҳуқуқи тушунтирилди.

Манба:ЎзА

Бўлишинг:

Муҳаррир танлови

Буйраги трансплантация қилинган хоразмлик 28 ёшли бемор олтиной маҳмудовага таҳдидли қўнғироқ бўлганини айтмоқда

Буйраги трансплантация қилинган хоразмлик 28 ёшли бемор Олтиной Маҳмудова давлат томонидан бериладиган бепул дори — «Алласепт» ичганидан сўнг аҳволи оғирлашгани, ...

Роберт мугабега истеъфо учун сўнгги муддат берилди

Зимбабве президенти Роберт Мугабе 20 ноябрь куни мамлакатдаги ҳукмрон ЗАНУ-ПФ партияси раҳбари лавозимидан озод қилинди, унинг ўрнига собиқ вице-президент Эммерсон Мнангагва ...

Ozodmikrofon: “учта бола билан кўчада қолдим”

Қашқадарё вилояти Китоб туманидан қўнғироқ қилган ва ўзининг ҳаёти ҳақида видеолавҳа юборган Шарофат Садинованинг OzodMikrofonга арз қилишича, унинг қайнонаси учта боласи ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400