22 давлат Хитойда уйғурларнинг оммавий равишда қамоққа олинишига қарши қўшма баёнот имзолади

Япония, Буюк Британия ва яна 20 давлат Хитойнинг Синсзян вилоятида уйғурларнинг оммавий равишда қамоққа олинишига қарши қўшма баёнот имзолади, деб ССN хабарига таяниб «Human.uz» ёзмоқда.


22 давлат Хитойнинг инсон ҳуқуқларини бундай паймол қилишга барҳам беришини ва БМТ экспертларини ҳудудга киришларига расмий Пекин рухсат беришини талаб қилмоқда.

Бу баёнот Хитойнинг ғарбий ҳудудларида олиб борилаётган сиёсатига қарши бошланган биринчи бирлашган ҳаракатдир. Мутахассисларнинг айтишича, бу ҳудудларда 2 миллионга яқин уйғур, қозоқ, қирғиз ва бошқа мусулмон миллатлар “қайта таълим бериш” лагерларида мажбуран ушлаб турилмоқда. Жисмоний қийноқ усуллари лагер ичкарисида кенг қўлланилади.

Пекин эса барча айбловларни рад этмоқда ва бу лагерларни терроризм ва Ислом экстримизмига қарши ташкил этилган “касбга қайта тайёрловчи марказлар” деб атамоқда.

Баёнотни имзолаган 18 та Европа давлати орасида Буюк Британия, Германия, Франция Синсзян вилоятида камчиликни ташкил қилувчи миллатларга, жумладан, уйғурларга ўткизилаётган зуғм ва чекловлардан хавотирда. Баёнатда, шунингдек, Австралия, Канада, Япония ва Янги Зеландия ҳам бор. Аммо аҳолисининг катта қисми мусулмон бўлган давлатдан фақат Туркия бу ҳаракатга қўшилган холос.

Human Rights Watch мутахассисларининг айтишича, бу қўшма баёнот нафақат Синсзян аҳоли, балки бутун дунёдаги инсонлар ҳуқуқлари кафолати учун хизмат қилади ва ҳатто ҳар қандай кучли давлатни ҳам инсон ҳуқуқлари бузилиши юзасидан жавобгарликка тортишда муҳим рол ўйнайди.

Бўлишинг:

Муҳаррир танлови

Ажария

АЖАРИЯ, Ажария Мухтор Республикаси— Грузия Республикаси таркибида. 1921 йил 16 июлда ташкил топган. Закавказьенинг жануби-ғарбида, Қора денгиз соҳилида жойлашган. Майдони 3 ...

Оав шимолий корея етакчиси ўрнига унинг синглиси тайёрланаётганини маълум қилди

Шимолий Корея 2019 йил охиридан бошлаб фавқулодда вазият ҳолатига Ким Чен Ин ўрнига унинг синглиси Ким Ё Чжонни тайёрламоқда. Ким Е Чжон. Фото: The Korea Times Бу ҳақда ...

Коронавирус бўйича муҳим тадқиқот ўтказаётган олим ўлдириб кетилди

  АҚШнинг Пенсильвания штатида коронавирус бўйича муҳим тадқиқот ўтказаёт олим ўлдириб кетилгани маълум бўлди. CNN хабарига кўра, Питтсбург университети тиббиёт факультети ...