Англия Премьер-Лигасида баҳсли қоидалардан бири бекор қилинди

2019/20 мавсумидан бошлаб, Англия Премьер-Лигаси регламенти ўзгаради ва мусобақа жадвали янги қоида бўйича тузилади, деб “BBC”га таяниб “Трибуна.уз” ёзмоқда.

Аввал жамоаларнинг очколари тенг бўлиб қолганида, уларнинг жадвалдаги ўрни тўплар нисбатига кўра белгиланган бўлса, энди ўзаро ўйин натижаларига қаралади.

Эслатиб ўтамиз, 2011/12 мавсумида «Манчестер Сити» ва «Манчестер Юнайтед»нинг очколари тенг бўлиб қолган ва тўплар нисбатига кўра «шаҳарликлар» чемпион бўлишган эди. Шундан сўнг, бу қоида кўпчилик томонидан танқид қилинган ва баҳс-мунозараларга сабаб бўлган эди.