Global Firepower таҳлилий маркази дунёнинг энг кучли армияларининг 2019 йилги рейтингини эълон қилди.
Кун.уз сайтининг ёзишича, Ўзбекистон армияси бир йил аввалги рейтингга нисбатан 10 ўрин пастлаб, 48-ўринни эгаллаган (аввалги рейтингда 38-ўрин). Шунга қарамай, Ўзбекистон армияси Россия (2-ўрин), Украина (29-ўрин) ва Беларус (39-ўрин) армиясидан кейин МДҲ давлатлари орасида 4-рақамли, Марказий Осиёда эса энг кучли армия деб топилган.
Рейтингда умумий ҳисобда 137 давлат армияси келтирилган. Рўйхатга АҚШ, Россия, Хитой, Ҳиндистон, Франция, Япония, Жанубий Корея, Британия, Туркия, Германия етакчилик қилмоқда.
Шунингдек, Марказий Осиё давлатларидан Қозоғистон армияси 54-ўринни, Туркманистон армияси 75-ўринни, Қирғизистон армияси 91-ўринни, Тожикистон армияси 94-ўринни эгаллаган.
Маълумот учун, бугунги кунда Ўзбекистон қуролли кучларида 420 та танк, 179 та самолёт, 1215 та жанговар транспорт воситаси мавжуд бўлиб, давлатнинг мудофаа харажатлари йилига 70 млн доллардан кўпроқни ташкил қилади.